Jonagold
Jonagold is en Huusappel (Malus domestica). Disse Appelsort is vundaag weltwiet verbreedt, bringt grote Büüt un hett gode Smacksqualität.
De Jonagold is en triploide Appelsort, de 1943 an de Agriculture Exp. Station Geneva in New York City (USA) ut den Golden Delicious un den Jonathan krüüzt worrn is. Siet 1968 is de Sort in dat Tuchtbook indragen.
De Oorn fangt Enn September an, man riep för’n Geneet is he eerst vun November an bit in’n März. De Smack vun’n Appel is sööt, fiensüürlich un aromaatsch. De grote rootbackige Frucht wiest en geel Fruchtfleesch op.
Jonagold warrt as en düchtig vördeelhafte Appelsort beschreven, wat de Nüüt, de Qualität vun de Frücht un de Bestännigkeit gegen Krankheiten un Schadenmakers angeiht. Aver de Boom stellt ok Anspröök: He bruukt to’n Wassen en goden, nehrstoffrieken Bodden un en frostbestännigen Stammbillner.
Vun de Appelsort Jonagold gifft dat verscheeden Mutatschonen as to’n Bispeel den Jonagored un Red Jonaprince.
kiek ok
[ännern | Bornkood ännern]Weblenken
[ännern | Bornkood ännern]- Aaftsorten vun Düütschland antiquarisch Fachbook över mehr as 300 Aaftsorten