Rainer Timmermann

Rainer Timmermann (* 3. Dezember 1946 in Liängeryk) is en düütschen Verwaltungsbeamten.

Timmermann is 1946 in Liängeryk boren un hett in Luote leevt. Nadem he mit de School trech weer, hett he sik von 1964 af an in de Gemeen Luote as Verwaltungsbeamten in’n gehobenen Deenst utbillen laten un denn an de Verwaltungs- un Weertschopsakademie Ossenbrügge Bedrievsweertschop studeert. Von 1970 bet 1979 hett he as Beamten bi’n Landkreis Ossenbrügge arbeidt. He weer von 1979 bet 1985 Gemeendirekter von Wangerooge (von 1981 bet 1985 tosätzlich Kurdirekter), 1985 bet 1988 Stadtdirekter un Kurdirekter von Bad Münder un von 1988 bet 1991 Stadtdirekter in Burscheid.

Von 1991 bet 1997 weer he Gemeendirekter von de Gemeen Seevdaal mit Seet in Hittfeld. Nadem de Eengleisigkeit inföhrt worrn is, weer he 1997 bi de Wahl to’n hauptamtlichen Börgermeester von de Gemeen Seevdaal Kannedaat för de CDU un is ok wählt worrn. Bi de Wahl 2001 is he wedderwählt worrn. In Hittfeld is he bet 2005 bleven.

To’n 1. September 2005 hett he in Hannover dat Amt as hauptamtlichen Präsident von’n Neddersassischen Städer- un Gemenenbund (NSGB) övernahmen un is dorto na Bad Münder ümtagen. Vörher harr he al von 2002 bet 2005 ehrenamtlich dat Amt as Präsident von’n NSGB. 2012 hett Timmermann den Posten as Präsident an Marco Trips afgeven.

Timmermann hett ok in’n Rundfunkraad von’n NDR seten.

Timmermann is verheiraadt mit siene Fro Ria un hett twee Kinner.