Raimo Seppänen

Vun Wikipedia
Zur Navigation springen Zur Suche springen

Raimo Kalevi Seppänen (* 21. Oktober 1950 in Suomussalmi) is en ehmalger finnischer Biathlet.

Raimo Seppänen sien Vereen weer Suomussalmen Rastia. Eerste Erfolge harr he as Junior, wo he bi de Biathlon-Juniorenweltmeesterschapen 1971]] in Hämeenlinna mit Matti Mustonen un Raimo Moilanen in dat Staffelrennen achter de Sowjetunion de Sülvermedaille wunn. Bi sien eerst Biathlon-Weltmeesterschapen 1974 in Minsk wurr he 26. in' Sprint. Bi de Olympisch Winterspelen 1976 in Innsbruck weer he Ersatzmann, keem aber nich to'n Insatz. In Vingrom wunn he bi de Biathlon-Weltmeesterschapen 1977 mit Erkki Antila, Simo Halonen un Heikki Ikola in' Staffelrennen achter de Sowjetunion de Sülvermedaille un wurr todem 14. in' Eenzel. Bi de Biathlon-Weltmeesterschapen 1978 keemen de Ränge 20 in' Sprint, 21 in' Eenzel un Söben mit de Staffel dorto. Bi de Weltmeesterschapen 1979 in Ruhpolding wunn he nochmals mit sien Staffelkollegen ut de Sülverstatffel van 1977 achter de DDR de Sülvermedaille. In' Eenzel verpass he as Fievt knapp en wiedere Medaille.Hööchtpunkt vun sien Karriere wurrn de Olympisch Winterspelen 1980 vun Lake Placid, bi de he in' Eenzel up Platz 32 keem un mit Keijo Kuntola, Erkki Antila un Kari Saarela as Slusslöper mit de Staffel up den söbenten Platz keem. Letzt internatschonale Meesterschapen wurrn de Weltmeesterschapen 1981 in Lahti, wo Seppänen in' Sprint up Platz 31 keem.

Bi de natschonalen Meesterschapen wunn de Grenzsuldat 1975 un 1977 de Titel in' Eenzel as ok 1977 todem in' Sprint.

Literatur[ännern | Bornkood ännern]

  • Markku Siukonen: Urheilukunniamme puolustajat – Suomen olympiaedustajat 1906–2000. Graface Jyväskylä, 2001. ISBN 951-98673-1-7, S. 304.

Weblenken[ännern | Bornkood ännern]