Rahmenövereenkamen to’n Schutz vun natschonale Minnerheiten

Vun Wikipedia
Wesseln na: Navigatschoon, Söök

Dat Rahmenövereenkamen to’n Schutz vun natschonale Minnerheiten is en Verdrag, den de Europaraat vörleggt hett un de de Staten, de em ünnerschrieven hebbt, Plichten opleggt, dat se jemehr natschonale Minnerheiten schulen schöölt.

22 Staten hebbt em in’n Februar 1995 ünnertekent, dat he denn 1998 in Kraft treden is.

Dat Övereenkamen schall helpen, dat de Ünnerteeknerstaten Respekt för de Rechten vun de natschonalen Minnerheiten wiest, dat Diskrimineren verhinnert, Liekheit för all Lüüd vöranbringt, de Kultur un Identität bewohrt un vöranbringt, ok Togang to de Medien un Bildung mööglich maakt un Mööglichkeiten schafft, dat de Minnerheiten an dat apentliche Leven deelnehmen köönt.

Artikel 25 seggt, dat de Staten, de ünnertekent hebbt, elk Johr en Bericht bi’n Europaraat afgeven mööt, wat se dat Johr för de Minnerheiten daan hebbt. Kritik an’n Verdrag gifft dat vör allen dorför, dat dor kuum wat insteiht, wat nich ok al so in annere Verdrääg insteiht un dat dor kuum konkrete Saken instaht, wat de Staten doon mööt. Dor steiht to faken „so wied as mööglich“ un sowat in.