Rafael Addiego Bruno
Rafael José Addiego Bruno (* 23. Februar 1923[1] in Salto; † 21. Februar 2014) weer en uruguayisch Afkaat un Jurist. 1985 weer he 17 Daag lang Interimspräsident vun Uruguay.
As Präsident vun den Böversten Gerichtshoff (Suprema Corte de Justicia) keem he nah den Rückträe vun Gregorio Álvarez an’ 12. Februar nah den Artikel 156 vun de uruguayisch Verfaaten to dat Amt vun de Staatsböverhoopt un Regeerenschef. He harr dat Amt bit to’n 1. März inne, as - nah twalv Johren Militärdiktatur – de free wählt Julio María Sanguinetti Präsident wurr.[2][3]
2003 weer Addiego Bruno „Freedensbotschaper“ („Ambassador of Peace“) vun de vun Sun Myung Moon grünnd Interreligious and International Federation for World Peace (IFFWP, in Düütschland IFFWF).
| Vörgänger | Amt | Nafolger |
| Gregorio Álvarez Armelino | Präsident vun Uruguay 12. Februar 1985 - 1. März 1985 |
Julio María Sanguinetti Coirolo |