Punta de Palma

Vun Wikipedia
Blick op’n Strand
Bi Sünnünnergang

Punta de Palma is en Strandoort an de Bucht von Amatique (Deel von’n Golf von Honduras un de Karibische See) in dat Municipio Puerto Barrios, Departamento Izabal, Guatemala.

Dat egentliche Kap Punta de Palma, na dat Oort un Strand nöömt sünd, liggt ganz in’n Oosten an de Bahía de Santo Tomás. Von dor reckt sik de Oort acht Kilometer an de Küst langs bet na de Grenz to dat Municipio Livingston.

En poor Kilmeter na Süüdwesten reckt sik de Bargen von de Sierra del Mico hoog. De Oort Punta de Palma liggt an’n Rand von de Reserva Protectoral De Manantiales Cerro San Gil.

De Oort is von Puerto Barrios un Santo Tomás de Castilla över de Straat 20 bet 25 Kilometer Fohrt weg. Dat gifft aver de Mööglichkeit, per Boot över de Bahía de Santo Tomás to föhren un so in 15 Minuten na Punta de Palma to kamen.

Strandgäst ut ganz Guatemala kaamt dor geern hen, üm Urlaub to maken.

Weblenken[ännern | Bornkood ännern]

Commons-logo.svg Punta de Palma. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:15° 45′ N, 88° 39′ W