Prolog (Radrennen)

Vun Wikipedia

De Prolog is dat Uptaktrennen vun en Etappenrennen in‘ Straatenradsport. De wurrd as Eenzeltietfohren över en Distanz vun nich mehr as acht Kilometer utdragen. Bi Fruen- un Juniorenrennen is de maximale Längt vun en Prolog up veer Kilometer begrenzt. En Prolog deent sorto, dat Fohrerfeld de Tokieker vörstostellen. Faken wurrd bi den Prolog ok de eerst Trikotdräger för de Sonnerwertungen vörstellt.

Ofschoons der Prolog nich as eerst Etappe (Deelstreck) tellt, wurrd he bi de Tiet vun de Eenzelgesamtwertung mit wert. Trotz de kört Distanz tellt de Prolog as vullwertig Renndag, un dat is nich tolaaten, an den Dag vun den Prolog noch en tweet Rennen to fohren. Faken fangt de eerst reguläär Deelstreck an de glieker Oort an as de Prolog.

Siet 1967 is meest immer en Prolog de Uptakt to de Tour de France, de faken nich in Frankriek fohren wurrd. So fung de Tour 2007 mit en Prolog in de britsch Hööftstadt London an. 2005 und 2009 geev dat längere Eenzeltietfohren un 2008 wurr anstäe vun en Prolog en vullwertig Deelstreck fohren. 2010 kehr man weer mit en 8,9 Kilometer Uptakttietfohren in Rotterdam to den klassischen Prolog torüch.

Weblenken[ännern | Bornkood ännern]