Pommersch Landschaap

Dat Pommersche Landschaap is en mittelgroot Landschaap mit feine Knaken un weggt twuschen 55 un 65 kg. Bück un Auschaap hefft keen Höörn. De Raass kann wat verdregen un is nich piepelig. De lange, griese Mischwull kann spunnen weern. Towielen is se meist swart. Hen un wenn is en Aalstreek andutt. Kopp un Been dreegt keen Wullkleed un sünd swart. Bi de Bück gifft dat woll ok hen un wenn en Mahn an Hals, Bost oder an'e Siet. De Tiet, wo de Schaap bückt, treckt sik vun Augsut bit Januar tämlich lang hen. De Schaap könnt up natte un ok up dröge Wischen holen weern.

Historie

Up Rügen is en Hanschen ut de Tiet üm 1600 v. Chr. funnen wurrn. De is ut en Schaapsfell maakt, wat akraat so utsütt, as dat Fell vun hüdige Pommernschaap. Wohrschienlich is dat en ganz ole Raass. Üm de Midden vun dat 20. Johrhunnert rüm geev dat noch Dusende vun Pommernschaap, man denn is dat rünner gahn bit bloß noch 46 Aulämmer, acht Eenjöhrige un seven Bück dor weern. Dormols weer dat Schaap in grote Gefahr, uttostarven. Hüdigendags gifft dat avers wedder mehr as 2000 Pommersche Landschaap un de Raass is över'n Barg.

Kiek ok bi

List vun de Schaaprassen

Weblinks

Pommersch Landschaap. Mehr Biller, Videos oder Audiodateien to’t Thema gifft dat bi Wikimedia Commons.

Wo dat düt Schaap gifft, wat bi de Tucht de Afsicht is etc. (hoochdüütsch)