Plattdüütsch Raat för Sleswig-Holsteen

Vun Wikipedia

De Plattdüütsche Raat för Sleswig-Holsteen is de Intressenvertredung in Sleswig-Holsteen för allens wat de plattdüütsche Spraak angeiht. De Raat is 2000 inricht worrn un besteiht ut fief Liddmaten. Wählen köönt all Börgers vun Sleswig-Holsteen per Breefwahl. He is tolest 2006 för veer Johr wählt worrn. Liddmaten sünd sietdem Norbert Radzanowski, Marianne Ehlers, Willy Diercks, Karl-Heinz Groth un Emil Kühl. De Raat is mit twee Lüüd in’n Bundsraat för Nedderdüütsch vertreden.

De Idee to’n Raat keem op ene plattdüütsche Konferenz för Sleswig-Holsteen an’n 2. November 1999 op. Dor hebbt se denn enen Grünnungsutschuss ut 14 Lüüd wählt, de de eerste Wahl in’n Februar 2000 vörbereiden schull.

Weblenken[ännern | Bornkood ännern]