Pjotr Walerjewitsch Dubrow
Pjotr Walerjewitsch Dubrow (russisch: Пётр Валерьевич Дубров; * 30. Januar 1978 in Chabarowsk, Föderatschonskreis Fernost) is en russisch Kosmonaut.
Dubrow hett 1999 dat Institut für Informatschonstechnologie vun de Staatliche Universität vun de Pazifikregion in Chabarowsk afslooten .
He wurr an’n 8. Oktober 2012 as Ruumfohrer utwählt un hett sien Kosmonauten-Grundutbillen an’n 16. Juni 2014 afslooten. He weer dornah as Testkosmonaut (TK) instuuft un hörr as Bordingenieur to de Ersatzmannschap vun Sojus MS-17.
An’n 9. April 2021 is he mit dat Ruumschipp Sojus MS-18 to sien eersten Ruumfloog start. Mit an Bord weern Oleg Wiktorowitsch Nowizki as Kommandant un Mark Thomas Vande Hei. De dree weern tonächst de eenzig Liddmaaten vun de ISS-Espedition 65]]. En paar Daag later keem de Rest vun de Expedition 65 mit de Mission SpaceX Crew-2 nah. Dat weern denn Robert Shane Kimbrough, Katherine Megan McArthur, Kommandant Akihiko Hoshide ut Japan un de Franzoos Thomas Pesquet, de nahderhen dat Kommando övernehmen dee. [1]
Weblinks[ännern | Bornkood ännern]
- Biografie (russisch)
- Spacefacts: Körtbiografie
Enkeld Nahwiesen[ännern | Bornkood ännern]
- ↑ Justin Davenport: Soyuz MS-18 launch marks 60 years of human spaceflight. nasaspaceflight.com, 8. April 2021, afropen an’n 9. April 2021 (engelsch).