De Born vun Pjöngjang wiesen.

{{GemeenboxWD
|NAAM              = 
|NAAM_INHEEMSCH    = 
|SITT              = 
|STAAT             = 
|LIGGT_IN          = 
|WAPEN             = 
|FLAGG             = 
|MOTTO             = 
|KOORT             = 
|KOORT2            = 
|FLACH             = 
|HÖÖCHD            = 
|HÖÖCHD_REF        = 
|KOOR_NS           = 
|KOOR_OW           = 
|INWAHNERS         = 
|INWAHNERS_TIET    = 
|POSTLEETTALL      = 
|VÖRWAHL           = 
|BÖRGERMEESTER     = 
|WEBSTEED          = 
|ÖÖRD              = 
|GEMEENSLÖTEL      = 
}}
[[Bild:Pyongyang-chikhalsi in North Korea.svg|duum|Laag von de Provinz Pjöngjang binnen Noordkorea]]
[[Bild:Pyongyang satellite image 2007-08-22.jpg|duum|Satellitenbild von de Stadt]]
[[Bild:1946 Map of Pyongyang, Army Map Service, US Army.jpg|duum|Stadtplaan von 1946]]
'''Pjöngjang''' ([[Koreaansche Spraak|koreaansch]] 평양) is de Höövdstadt von [[Noordkorea]]. Se liggt an’t Över von’n [[Taedong]]. De Stadt sülvs mit ehre dunn 19 Stadtdelen harr an’n 1. Januar 2010 3.270.582 Inwahners, tohoop mit veer Kreise ümto de Stadt harr de Provinz Pjöngjang 4.138.187 Inwahners op en Rebeed von 2.653 km².

== Geografie ==

Pjöngjang liggt in’n Noordwesten von de [[Koreaansche Halvinsel]] an’n Stroom Taedong op üm un bi 38 m över de See. De Ooldstadt liggt an’t rechte Över von’n Stroom, aver dat gifft ok en Neestadt an’t linke Över. Ok de Eilannen [[Rungna]], [[Yanggak]], [[Ssuk]] un [[Turu]] höört to de Stadt.

== Historie ==

De Legenn seggt, dat de Stadt 2333 v. Chr. von [[Dangun Wanggeom]] grünnt worrn wesen schall. Dat eerste echte Tüügnis von en Vörlöper von dat hüdige Pjöngjang is aver en olen Text, dat de Chinesen 108 v. Chr. bi Pjöngjang en Hannelskolonie grünnt hebbt. 427 is Pjöngjang denn de Höövdstadt von dat Königriek [[Goguryeo]] worrn. 668 hebbt de Chinesen ehr wedder innahmen. 1135 hett [[Myo Cheong]], König von [[Goryeo]], de Stadt to sien twete Höövdstadt maakt.

Von 1592 bet 1593 hebbt de Japaners in de Stadt seten. 1627 kemen wedder de Chinesen un hebbt de Stadt dorbi ansteken.

In’n [[Eerst Japaansch-Chineeschen Krieg|Eersten Japaansch-Chineeschen Krieg]] hett Pjöngjang swoor wat afkregen un weer to’n groten Deel in Schutt un ahn Inwahners. In de Tied von de [[Japaansche Herrschop in Korea]] von 1910 bet 1945 hebbt de Japaners Pjöngjang to en Industriestadt utboot. De Japaners hebbt de Stadt in disse Tied ''Heijō'' nöömt. In’n [[Koreakrieg]] von 1950 bet 1953 is de Stadt denn aver wedder utbummt worrn.

=== Religion ===

De Inwahners von Pjöngjang weren von öllers vör allen [[Buddhismus|Buddhisten]] un [[Konfuzianismus|Konfuzianer]]. In dat 19. un fröhe 20. Johrhunnert sünd aver ok veel Lüüd in Pjöngjang [[Christendoom|Christen]] worrn un dat hett mehr as 100 Karken in de Stadt geven. Nadem Noordkorea kommunistisch worrn is, hett de Regeren en Politik maakt, de den [[Atheismus]] föddert un vondaag hett de Mehrheit in Pjöngjang offiziell keen Religion.

Pjöngjang is Seet von en [[Kathoolsche Kark|kathoolschen]] Bischop. Dat [[Bisdom Pjöngjang]] hett ehren Sitt in de [[Kathedraal von Jangchung]].

=== Inwahnertall ===

{{Inwahnertall
| 1890 / 40000 /JL/ Jan Lahmeyer, Universität Utrecht, Populstat: North Korea - Urban Population: http://www.populstat.info/Asia/nkoreat.htm
| 1906 / 43000 /JL
| 1911 / 36800 /JL
| 1920 / 58600 /JL
| 1922 / 86500 /JL
| 1924 / 102700 /JL
| 1929 / 120000 /JL
| 1932 / 144200 /JL
| 1935 / 182100 /JL
| 1938 / 234700 /JL
| 1940 / 286000 /JL
| 1944 / 388000 /JL
| 1962 / 653000 /JL
| 1965 / 800000 /JL
| 1967 / 840000 /JL
| 1970 / 940000 /JL
| 1978 / 1250000 /JL
| 1981 / 1283000 /JL
| 1986 / 1300000 /JL
| 1993 / 2354898 /JL
| 2002 / 2724700 /JL
| 2007 / 3059678 /JL
| 2010 / 3270582 /JL
}}

== Politik ==

=== Ünnerafdelen ===

De Stadt Pjöngjang is indeelt in 18 Stadtdelen. Blangen de Stadt Pjöngjang sülvs höört to de Provinz Pjöngjang ok noch de Kreis [[Kangdong]] (강동군; 江東郡).

Bet 2010 hebbt ok noch de Stadtdeel [[Sŭngho-guyŏk]] un de dree Kreise [[Kangnam]], [[Chunghwa]] un [[Sangwŏn]] to Pjöngjang höört, sünd denn aver Deel von de Provinz [[Noord-Hwanghae]] worrn.

* [[Chung-guyok]] (중구역; 中區域)
* [[Pyongchon-guyok]] (평천구역; 平川區域)
* [[Potonggang-guyok]] (보통강구역; 普通江區域)
* [[Moranbong-guyok]] (모란봉구역; 牡丹峰區域)
* [[Sŏsŏng-guyŏk]] (서성구역; 西城區域)
* [[Songyo-guyok]] (선교구역; 船橋區域)
* [[Tongdaewŏn-guyŏk]] (동대원구역; 東大院區域)
* [[Taedonggang-guyŏk]] (대동강구역; 大同江區域)
* [[Sadong-guyŏk]] (사동구역; 寺洞區域)
* [[Taesong-guyok]] (대성구역; 大城區域)
* [[Mangyongdae-guyok]] (만경대구역; 萬景台區域)
* [[Hyongjesan-guyok]] (형제산구역; 兄弟山區域)
* [[Ryongsong-guyok]] (룡성구역; 龍城區域)
* [[Samsok-guyok]] (삼석구역; 三石區域)
* [[Ryokpo-guyok]] (력포구역; 力浦區域)
* [[Nakrang-guyok]] (락랑구역; 樂浪區域)
* [[Sunan-guyŏk]] (순안구역; 順安區域)
* [[Unjong-guyok]] (은정구역; 恩情區域)

=== Stadtfründschoppen ===

Pjöngjang hett Fründschopsverdrääg mit disse Städer:

* [[Jakarta]], [[Indonesien]]
* [[Kathmandu]], [[Nepal]]
* [[Moskau]], [[Russland]]
* [[Tianjin]], [[Volksrepubliek China|China]]<ref>[http://english.peopledaily.com.cn/90001/90776/90883/6656320.html First China-DPRK sister cities meeting held in Pyongyang, People's Daily Online, 12. Mai 2009] (engelsch)</ref>

== Kultur ==

=== Wichtige Bowarken ===

Dat höögste Bowark in de Stadt is dat [[Ryugyong-Hotel]] mit 330 m. Annere Bowarken, de sik uttekent, sünd de [[Kumsusan-Pallast]], de [[Triumphbagen (Pjöngjang)|Triumphbagen]], de [[Juche-Toorn]] un de [[Wedderverenigungsbagen]].

=== Sport ===

Grote Stadien in Pjöngjang sünd dat [[Maidag-Stadium]] op [[Rungna]], dat [[Kim-Il-sung-Stadion]] (in dat ok de [[Sportvereen Pjöngjang Stadt]] speelt), dat [[Moranbong-Stadion]] ([[Sportvereen Moranbong]]), dat [[Yanggakdo-Stadion]], dat [[Seosan-Stadion]] un dat [[Ryugyong-Jong-Ju-Yong-Stadion]]. Annere Footballverenen sünd de [[Sportvereen Amrokgang]] un de [[Sportvereen Rimyongsu]]. För’n Iessport gifft dat de [[Iessporthall Pjöngjang]].

Elk Johr in’n April gifft dat den [[Pjöngjang-Marathon]].

=== Medien ===

In Pjöngjang sitt de [[Koreaansche Zentrale Narichtenagentur]] un dor kummt ok de [[Rodong Sinmun]] rut.

Ok en poor Bläder in frömme Spraken warrt in de Stadt rutgeven: [[The Pyongyang Times]], [[Foreign Trade of the DPRK]], [[Korea Today]] un [[The People's Democratic Republic of Korea]].

Ok dat [[Koreaansche Zentralfeernsehn]] un de [[Koreaansche Zentralrundfunk]] sitt in de Höövdstadt. För dat Butenland sünd [[Voice of Korea]] un [[Radio Pjöngjang]].

In’n Noorden von de Stadt liggt dat Gelänn von de [[Koreaansch Filmstudios|Koreaanschen Filmstudios]]. Dat [[SEK-Studio]] maakt Animatschoonsfilms. All twee Johr warrt in de Stadt ok dat [[Internatschonaal Filmfestival Pjöngjang]] afhollen.

=== Theater ===

De Stadt hett twee Opernhüüs, dat [[Groot Opernhuus|Grote Opernhuus]] an de Sungni- un Yongwang-Straten un en tweet bi de Rungna-Brügg. Dat [[Moranbong-Theater]] is bi de Cholima-Statue.

=== Freetied ===

De [[Zoo Pjöngjang]] liggt in’n Noordoosten von de Stadt bi’n [[Taesong]]-Barg un wiest över 5000 Deerten ut 650 Oorden. Elk Johr in’n August bet Oktober gifft dat in’t Maidag-Stadion dat [[Arirang-Festival]].

=== Eten un Drinken ===

Restaurants mit butenlandsch Eten gifft dat in Pjöngjang man kuum. Dat gifft vör allen [[koreaansche Köök]] un en poor Restaurants mit [[Chineesch Köök|chineesch Eten]]. De wichtigsten Restaurants von de Stadt sünd dat [[Okryugwan]] un dat [[Chongryugwan]].

=== Museums ===

Dat wichtigste Museum in Pjöngjang is dat [[Histoorsch Museum Pjöngjang|Histoorsche Museum]]. De Koreaansche Kunstgalleree steiht güntsied de Straat. Annere Museums sünd dat [[Museum von dat Grünnen von de Partei]], dat Museum för Volkskunn. An’t Över von’n Taedong is dat US-amerikaansche Schipp [[USS Pueblo (AGER-2)|USS Pueblo]] utstellt, dat de [[noordkoreaansche Marine]] 1968 fangen nahmen harr.

== Infrastruktur ==

=== Verkehr ===

Pjöngjang hett en Haven an’n Taedong, in den Scheep bet 2000 Tunnen anleggen köönt. An Brüggen över den Stroom gifft dat de [[Chungsong-Brügg]], de [[Yanggak-Brügg]], de [[Taedong-Brügg]], de [[Okryu-Brügg]], de [[Rungna-Brügg]] un de [[Chongnyu-Brügg]]. Dat [[Trolleybus-System von Pjöngjang]] hett den Bedriev an’n 30. April 1962 anfungen.

De eerste [[Stratenbahn]] in Pjöngjang hett an’n 20. Mai 1923 föhrt. 1933 weer dat Stratenbahnnett 14 Kilometer lang. In’n [[Koreakrieg]] hett dat mit de Stratenbahn denn aver wedder ophöört. Von’n 15. April 1991 af an hett dat denn aver wedder en [[Stratenbahn in Pjöngjang]] geven. De [[U-Bahn Pjöngjang]] hett an’n 6. September 1973 apenmaakt.

De [[Höövdbahnhoff Pjöngjang]] verbinnt de Stadt över de [[Pyongbu-Lien]] mit [[Kaesong]], över de [[Pyongui-Lien]] mit [[Sinuiju]] (un wieder na China) un över de [[Pyongnam-Lien]] mit [[Nampo]].

De wichtigste Flegerhaven is de [[Flegerhaven Sunan]].

=== Scholen ===

[[Bild:North Korea-Pyongyang-Grand Peoples Study House-02.jpg|duum|De Grote Studienhall von dat Volk]]
Dat gifft en Reeg Universitäten in Pjöngjang. De gröttste is de [[Kim-Il-sung-Universität]]. Wichtig is ok dat [[Polytechnische Institut Kim Chaek]]. Ans gifft dat de [[Universität för Inschenöörswetenschoppen Pjöngjang|Universität för Inschenöörswetenschoppen]], de [[Universität för Musik un Dans Pjöngjang|Universität för Musik un Dans]], de [[Universität för Film- un Theaterkunst Pjöngjang|Universität för Film- un Theaterkunst]], de [[Kim-Choi-ju-Universität]], de [[Kim-Hyong-jik-Universität]], de [[Kim-Ir-sen-Universität]], de [[Samhung-Universität]], de [[Iesenbahn-Universität Pjöngjang|Iesenbahn-Universität]], de [[Universität för Lichtindustrie Pjöngjang|Universität för Lichtindustrie]], de [[Universität för Natschonalökonomie Pjöngjang|Universität för Natschonalökonomie]], de [[Universität för Butenpolitik Pjöngjang|Universität för Butenpolitik]] un de [[Sportuniversität Pjöngjang|Sportuniversität]]. De wichtigste Bibliotheek von Noordkorea is de [[Grote Studienhall von dat Volk]].

För butenlandsche Kinner hett Pjöngjang en extra Grundschool, de [[Frömmenschool Pjöngjang]].

== Weertschop ==

Pjöngjang is de Sitt von de wichtigsten Ünnernehmen in Noordkorea. Dorto höört ünner annern [[Mansudae Overseas Projects]], [[Korea Iesenmetall Export & Import]], de [[Korea Zink-Industriegrupp]], [[Korea Maschinenhannel]], [[Korea Chemikalienhannel]] un [[Korea Ponghwa]].

== Footnoten ==

<references/>

== Weblenken ==

{{Commons|Pyongyang|Pjöngjang}}

{{Koordinaten|KOOR_NS=39.03|KOOR_OW=125.73|WO=baven}}

[[Kategorie:Oort]]
[[Kategorie:Pjöngjang]]
[[Kategorie:Hööftstadt]]
[[Kategorie:Stadt]]