Piment

Vun Wikipedia
Zur Navigation springen Zur Suche springen
Piment (Pimenta dioica), Illustratschoon

Piment (Pimenta dioica, Syn.: Pimenta officinalis), ok Gewürzkörner, Nelkenpeper oder Wunnerpeper beteekent en Plantenaart ut de Familie van de Myrtengewächse (Myrtaceae) un togliek dat ut disse Plant wunnen Gewürz.

Anner Naams för dat Gewürz sünd Jamaikapfeffer un Neugewürz (wegen de Herkunft ut de Nee Welt)[1], öller ok Modegewürz[2]. De riekhollen Smack erinnert to glieker Tiet an mehrere anner Gewürze: Peper, Kaneel, Muskat un Nelken. Deshalb is Piment ok as Viergewürz[3] oder Allgewürz bekannt (engelsch allspice).[4][5]

Beschrieven[ännern | Bornkood ännern]

Pimenta dioica is en immergröön Boom, de bit to twalf Meter hooch wassen deiht. De gegenständigen Loovblööt sünd eenfack un leddern.

Disse Aart is tweehüüsig trennt geslechtig (diözisch), as ok de botaansch Naam all seggen deiht. In zymösen Blöötenständen staht de Blööten tosommen. De witt Blööt hett en Dörmeter van etwa 0,6 cm.

Dat wurrd en tweesamige beerenähnliche Steenfrucht utbildt, de en Dörmeter van 0,5 bis 0,8 cm hett. De Frucht wurrd halfriep, noch gröön arnt, wiel se bi Vullriep (also wenn se root is) hör Aroma verlüsst.

Gebruuk[ännern | Bornkood ännern]

Gewürz[ännern | Bornkood ännern]

Dröögt unriep Früchte
Pimentblööt wurrn in de Karibik as Gewürz anboden

Bruukt wurrn de unriep Früchte, de ätherische Öle enthollen. Hööftkomponente van dat Ööl is Eugenol, dat ok in de Gewürznelke (Syzygium aromaticum) to finnen is. Piment smeckt allerdings bedüüdend scharper as Gewürznelken.

För de europääsch Köken opdeckt wurr Piment up de Antillen dör Christoph Kolumbus, de hüm ok de Naam geev. Bit hüüd is dat Hööftanbaurebeet Jamaika, van wo rund twee Drüddel van de Weltarnt stammen.

In de karibisch Köken wurrd Piment allgemeen völ bruukt, wobi dor neben de Früchte ok de frisch Blööt un dat ebenfalls aromatische Holt (to’n Grillen) bruukt wurrd. In Düütschland wurrd Piment vör allen bi de Wurst-Herstellung as ok in de Wiehnachtsbackeree insett.

Ätherisches Pimentööl[ännern | Bornkood ännern]

Dat Pimentööl wurrd ut dat Saatgoot van Pimenta dioica middels Waterdamp-Destillatschoon wunnen. Sien balsamisch-würziger un pepern Duft erinnert an Nelkenööl un wurrd gern in würzig Parfüms för Mannlüüd insett. De Inholtsstoffe bestaht ut 60 bis 80 % Phenolen, Sesquiterpenen, Methyleugenol un Oxiden. Dör de Phenole is dat ätherische Ööl düchtig huut- un schliemhuutreizend. Dor todem Methyleugenol in Studien an Deerten karzinogen (krebsertüügend) wirkt, sull dat ätherische Ööl nich mehr bruukt wurrn.

Weblinks[ännern | Bornkood ännern]

Commons-logo.svg Piment. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Duden online: Neugewürz
  2. Handbuch der Pharmacognosie, berab. v. Prof. Dr. Henkel, Laupp & Siebeck, Tübingen 1867, S. 225f. (Digitalisat)
  3. Dominik Flammer, Sylvan Müller: Das kulinarische Erbe der Alpen. AT Verlag, Aarau 2012, ISBN 978-3038007357, S. 240.
  4. Vgl. Duden online: Piment, Abschnitt Synonyme
  5. Vgl. Online Etymology Dictionary: allspice