Pieter Hellendaal

Pieter Hellendaal, de Öllere, (* 1. April 1721 in Rotterdam; † 19. April 1799 in Cambridge) weer en nedderlannsch Komponist, Organist un Violinist.

Leven

Nah all en kört künstlerisch Ünnerwiesen hett man Hellendaal 1733 as Organisten an de St.-Nicolas-Kark in Utrecht beropen. Dit Amt harr he bit 1737 inne. In dat sülvig Johr is he denn mit 16 Johren en Studienreis dör Italien antreeden, de bit 1743 düern dee.

De Johren 1740 bit 1742 verbroch he in in Padua, as Schöler vun Giuseppe Tartini, den beropensten Geiger ut sien Tiet. Ut Italien torüch, hett Hellendaal weer enige Tiet in Holland warkt. 1744 oder 1745 kunn he mit Söss Violin Sonaten to'n eersten Mal en Wark in Druck geven. De Johren 1749 bit 1751 verbroch he mit en Musikstudium an de Universität Leiden.

1752 gung he nah London, wo he bald de Bekanntschap vun Georg Friedrich Händel maken dee. 1754 drüff he Händel bi de Upführen vun de sien Acis und Galatea sogor to Hand gahn. Af 1760 verdeen sück Hellendaal sien Levensünnerhollen as Organist vun de St. Margaret's Church in King's Lynn, Norfolk. Dit Amt harr he bit 1762 inne.

Dat Pembroke College vun de Universität Cambridge hett Hellendaal 1762 as Organist instellt. Dor leev un wark Hellendaal bit an sien Levensenn'. 1777 hett man hüm mit dat Amt vun de Organisten an de Peterhouse Chapel betroot. In dat Öller vun 78 Jahren is Pieter Hellendaal an' 19. April 1799 in' Cambridge storven.

In Hellendaal sien fröh musikalisch Wark is de Infloot vun Tartini to erkennen, den denn in dat Laatwark dör Händel verdrängt wuurd

Sien glieknamig Söhn Pieter Hellendaal (de Jüngere),(* um un bi 1756 in London; † nah 1801) weer Violinist un Klarinettist.

Warken (Utwahl)

• 6 Sonaten för Violine un B.c. Op.1 (Amsterdam, um un bi 1745)
• 6 Sonaten för Violine un B.c. Op.2 (Amsterdam, 1748)
• Six grand concerto, Op.3 (London, 1758) - Huntigdon: King's Music, 1991 Repr. d. Ausg.
• Six Solos för Violine un B.c. Op.4 (London, 1777)
• 8 Sonaten för Cello un B.c. Op. 5
• Three Grand Lessons för Cembalo oder Fortepiano, Violine un Cello (um un bi 1790, London)
• 11 Sonaten för Violine un B.c. (handschriftlich, Fitzwilliam Museum Cambridge)
• A collection of psalms and hymns for the use of parish churches (1793)

Weblenken

• Noten un Audiodateien vun Pieter Hellendaal in dat International Music Score Library Project