Pierre Jules César Janssen

Pierre Jules César Janssen

Pierre Jules César Janssen (* 22. Februar 1824 in Paris; † 23. Dezember 1907 in Meudon) weer en franzöösch Astronom.

1868 hett he opdeckt, wu man de Sünnkorona ahn Sünndüsternis beobachten kann. He hett dat unafhängig vun de engelsch Astronom Norman Lockyer schafft, de to glieker Tiet dat rutfunnen harr.

Levensloop

1853 hatt Janssen Ünnerricht an dat Gymnasium vun Charlemagne geven. 1857 is he nah Peru reist, üm den magnetischen Äquators to bestimmen. 1859 hett he den Naturforscher Alfred Grandidier up de sien Weltreis begleidt, muss aver nah 6 Maand de Reis afbreken, weil he krank wurrn weer. Van 1861 bit 1862 un 1864 studeer he de Absorptschoon vun Tellur in’t Sünnspektrum vun Italien un vun de Swiez ut. 1865 - 1871 ünnericht Janssen in en Architektenschool un 1867 hett he optisch un magnetisch Experimente up de Azoren dörföhrt. Janssen kunn de gasoordig Natur vun de roode Sünnkorona wiesen un hett en Methood entwickelt, dit ok ünner normaal Umweltbedingungen beobachten to können.

Bi en totale Sünndüsternis in Indien an’ 18. August 1868 hett Janssen as Eerst dat Element Helium opdeckt, as en hell geel Linie mit en Wellenlängt vun 587,49 Nanometern in’t Spektrum vun de Chromosphäär vun de Sünn. As he sien Entdeckung bekannt maken wull, wull hüm dat nüms glöven, wiel bit dorhenn noch nie en nee Element in’t All funnen wurr, bevör man dat up de Eer faststellen kunnt harr.

Steernwacht vun Meudon

1870 hatt he dat besett Paris in en Ballon verlaten. 1873 wurr Janssen in de Académie des sciences wählt. 1874 is he to dat Beobachten vun en Venusdörgang nah Japan reist. 1875 wurr he Direkter an dat niege astrophysikalisch Institut in Meudon (→Pariser Steernwacht). 1876 hett he hervorragend Sünnfotografien herstellt. Den nächsten Venustransit hett in die algerisch Stadt Oran 1882 beobacht. 1887 hett he Sünnbeobachtungen up den Pic du Midi de Bigorre in de Pyrenäen makt. In’ September 1893 is he up den Mont Blanc stegen uni s dor veer Daag bleven, um de Sünn to beobachten. He wull dormit överprüfen, of de Sünn Suerstoff enthollen deiht oder nich. Dorto hett man later henn up den Montblanc en Steernwacht erricht. 1896 geev he den eersten Deel vun de Annales de l'observatoire de Meudon rut; 1904 hett he sien Sünnfotografien vun 1876 in de Atlas de photographies solaires verapenlicht.

Sünndüsternisexpeditschonen

• 1867 Trani
• 1868 Guntur, Indien
• 1870 Algerien (de is bedeckt)
• 1875 Siam
• 1883 Karolineneilannen
• 1905 Alcosebre, Spanien.

Pierre Jules César Janssen is an’ 23. Dezember 1907 an sien Wirkungsstää in Meudon storven. En Marskrater un en Maandkrater sünd nah hüm nömmt wurrn.