Philipp Kohlschreiber

Philipp Eberhard Hermann Kohlschreiber (* 16. Oktober 1983 in Augsborg) is en düütsch Tennisspeler.

Karriere[ännern | Bornkood ännern]

Anfänge[ännern | Bornkood ännern]

De Rechtshänder fung sien Loopbahn bi den TC Augsburg Siebentisch^[1] an un speel af 1997 för den MTTC Iphitos. In dat Johr 2000 speel Kohlschreiber in Eckenthal sien eerst ATP-Turnier un hett sück dorför entscheeden, af 2001 Tennisprofi to wurrn.

2001 bit 2007[ännern | Bornkood ännern]

Van 2001 bit 2004 weer Kohlschreiber Liddmaat vun de Bundsligamannschap vun den TC Bamberg. Van 2005 bit 2008 hett he denn för Blau-Weiß Neuss in de Bundsliga speelt.

2003 speel Kohlschreiber sien eerstes Grand-Slam-Turnier bi de US Open, verlor aber in de eerst Runn gegen David Nalbandian. 2004 reck he dor mit en Sieg över Julien Benneteau de tweet Runn, verlor aber denn gegen Feliciano López knapp in fiev Satzen. In' August 2004 stunn Kohlschreiber eerstmals in den Top 100 vun de Weltranglist. Siet 2005 stunn he bi all Grand-Slam-Turnieren in't Hööftfeld.

Bi de Australian Open keem he 2005 in't Achtelfinale, wo he gegen Andy Roddick utscheeden dee. Bi de anner Grand-Slam-Turnieren weer all immer in de eerst Runn Sluss. In' Oktober 2005 wunn he mit sien Partner Lars Burgsmüller sien eerst ATP-Turnier in't Düppel. 2006 kunn sück Kohlschreiber in den Top 100 vun de Weltranglist fastsetten. He reck bi dat ATP-Turnier in Gstaad dat Halffinale, dorto noch eenig wiedere Male en Veertelfinale. 2007 stunn he bi dat Masters-Turnier in Monte Carlo in't Veertelfinale un wunn en kört Tiet later sien eerst ATP-Turnier in München mit en Finalsieg över Michail Juschny, mit de he tosommen de Düppelkonkurrenz winnen kunn. Todem reck he dat Halffinale vun Halle un de dart Runn vun de US Open.

2008 bit 2011[ännern | Bornkood ännern]

In' Januar 2008 kunn Kohlschreiber sien tweet Titel up de ATP Tour fiern, as he bi dat Turnier vun Auckland den Spanier Juan Carlos Ferrero in't Finale in twee Satzen besiegen kunn. Bi de Australian Open wunn he in Runn dree gegen Andy Roddick, verlor denn aber dat Achtelfinalmatch gegen Jarkko Nieminen. Bi dat Turnier vun Halle reck he dat Finale, in dat he aber gegen Roger Federer verlor. Buterdem truck he noch in dat Halffinale bi dat Turnier in Wien in.

Anfang vun dat Johr 2009 kunn Kohlschreiber bi mehreren Turnieren dat Veertelfinale recken. Bi dat Grand-Slam-Turnier vun Paris is he eerstmals bit in dat Achtelfinale vörstött, is dor aber an Tommy Robredo scheitert. Bi dat dorup folgen Turnier in Halle stunn he in't Halffinale, wo he gegen Tommy Haas ünnerleegen weer. In' September keem Kohlschreiber bi dat Turnier vun Metz bit in't Finale. He verlor dor woll gegen Gaël Monfils, reck aber mit Platz 22 sien bit dorhen best Weltranglistenpositschoon. Doröver herut stunn he noch in dat Halffinale bi dat Turnier in Wien.

Sien eerst Turnier in dat Johr 2010 speel Kohlschreiber in Auckland, wo he dat Halffinale recken dee. Bi den Australian Open is he in de dart Runn gegen Rafael Nadal utscheeden. Bi dat ATP Masters-Series-Turnier vun Monte Carlo schaff he den Sprung in't Veertelfinale. Bi den French Open kunn he bit in de dart Runn vörstötten, wo he aber gegen Fernando Verdasco verlor. In Wimbledon verlor he in de dart Runn gegen Roddick. Bi dat Masters-Series-Turnier vun Toronto stunn he in't Veertelfinale, verlor dor aber knapp gegen Nadal. Bi den US Open leep dat nich so goot, he verlor all in de tweet Runn gegen Gilles Simon. An' Rande vun de Davis-Cup-Partie gegen Süüdafrika, bi de he mit sien Dreesatzsieg över Rik de Voest to'n 5:0-Sieg bidroog, geev he sien künftige Tosommenarbeit up Proov Andy Murray sien Ex-Coach Miles MacLagan bekannt. Kohlschreiber speel sück bi den den Open de Moselle in Metz bit in't Halffinale vör, wo he aber weer gegen den Franzosen Gilles Simon verlor. Bi sien nächst Turnier bi den China Open in Peking kunn he woll Fernando Verdasco in de eerst Runn slahn, verlor denn aber gegen John Isner. In Schanghai muss he in' tweeten Satz vun sien Eerstrundenmatch gegen Roddick upgeven. Bi de Bank Austria Tennis Trophy in Wien reck he dat Veertelfinale, kunn denn aber wegen Aduktorenproblemen nich wieder spelen.

Kohlschreiber sien eerst Turnier in dat Johr 2011 weer in Doha, wo he in de tweet Runn gegen Ivo Karlović verlor. Een Week vör den Australian Open, wo he in de tweet Runn gegen Tomáš Berdych verlor, keem he in Auckland bit in't Veertelfinale, wo he in dree Satzen gegen David Ferrer verlor. In Rotterdam un Dubai keem he jeweils bit in de tweet Runn, scheiter denn aber an Robin Söderling bzw. an Philipp Petzschner.

In de eerst Runn vun de Davis-Cup-Weltgrupp 2011 weer Kohlschreiber weer de düütsch Nummer 1. He wunn gegen Ivan Dodig in fiev Satzen, nahdem he all en Matchball in' veerten Satz afwehren kunn. In dat veert Eenzel hett he denn aber gegen Marin Čilić in dree Satzen.

Bi dat eerst Masters-Turnier vun dat Johr in Indian Wells wunn Kohlschreiber nah en Freeloos in Runn een gegen Tim Smyczek nah Afwehr vun dree Matchbällen in dree Satzen. In Runde dree kunn he de Nummer 4 vun de Weltranglist, Robin Söderling, mit 7:6 un 6:4 utschalten, wobi he in' eersten Satz alleeen fiev Satzbälle afwehren muss. Ansluutend verlor he wat unglückelk in twee Satzen (6:7, 6:7) gegen Juan Martín del Potro. In Monte Carlo verlor he in de tweet Runn gegen Roger Federer. Kohlschreiber un Petzschner hebbt denn mit hör Düppel-Sieg över Juan Ignacio Chela un Maximo Gonzalez dat Finale vun den World Team Cup in' Düsseldörper Rochusclub för sück entscheeden.^[2] Bi de French Open is he denn aber all in de eerst Runn gegen Sam Querrey utscheeden.

Bi den Gerry Weber Open in Halle kunn sück Kohlschreiber dorgegen sien darten Karrieretitel sekern. Up den Weg in't Finale, in dat he gegen Philipp Petzschner mit 7:6, 2:0 (Upgaav) winnen dee, hett he ünner annern Lleyton Hewitt un Gaël Monfils besiegt. In Wimbledon leep dat dorgegen nich mit, he verlor sien Eerstrundenspeel gegen den Usbeken Denis Istomin mit 6:4, 3:6, 3:6 un 3:6. Bi dat Turnier an' Hamborger Rothenboom hett he dat en paar Week later bit in't Achtelfinale schafft, verlor dor aber gegen den Spanier Nicolás Almagro.

siet 2012[ännern | Bornkood ännern]

2012 wurr för Kohlschreiber to de bitlang spoodriekste Saison vun sien Loopbahn. Bi den Australian Open keem he bit in't Achtelfinale. In' Mai wunn he in München to'n tweeten Mal dat Turnier, dorbi hett he in't Finale Marin Čilić glatt in twee Satzen besiegt. Spoodriek leep för hüm ok de Rasensaison: In Halle verlor he eerst in't Halffinale gegen de leteren Winner Tommy Haas. In Wimbledon gelung Kohlschreiber dör en Sieg in fiev Satzen över Haas aber de Revanche, ehe he dör dree nah'nanner folgen Dreesatzsiege to'n eersten Mal dat Veertelfinale vun en Grand-Slam-Turniers recken dee. Dor verlor he denn aber gegen Jo-Wilfried Tsonga in veer Satzen.

In de Kritik keem Kohlschreiber to'n Enn' vun dat Turnier in Kitzbühel. He reck woll dat Finale, verlor dat aber gegen Robin Haase in dree Sätzen. Wiel he sück bi dit Speel en Verletzung totruck, hett Kohlschreiber sien Deelnahm bi de Olympisch Spelen in London af. Dorför wurr he in de Medien stark kritiseert, ok vun ahmalg Speler as Boris Becker oder Michael Stich. Dennoch gelung Kohlschreiber mit de Finaldeelnahm in Kitzbühel eerstmals de Intoog in de Top 20 vun de Weltranglist. Nah dat Turnier wurr he up Platz 16 führt. Bi den US Open reck he dör en Fievsatzsieg gegen John Isner to'n eersten Mal dat Achtelfinale, womit Kohlschreiber in de Saison 2012 bi dree vun veer Grand-Slam-Turnieren de tweet Week recken dee.

Davis Cup[ännern | Bornkood ännern]

Kohlschreiber tellt siet 2007 to de wichtigst Speler in de Düütsche Davis-Cup-Mannschap. Sien Bilanz is in't Eenzel mit 9:7 positiv un in't Düppel mit 2:2 utgleeken.

Mehrmals kunn Kohlschreiber deels starker inschätzt Speler in' Davis Cup slahn. So wunn he in sien Debüt-Saison 2007 in't Halffinale in Moskau gegen Nikolai Dawydenko ut Russland in fiev Satzen, 2009 wunn he gegen Jürgen Melzer ut Öösterriek, ofschons he all en 0:2 Satzrückstand harr. Ok in dat folgen Veertelfinale in Spanien kunne he Tommy Robredo, de hüm tovör bi de French Open slahn harr, glatt in dree Satzen besiegen. Sien tweet Eenzel gegen Fernando Verdasco wunn he mit 8:6 in' fievten Dörgang. Düütschland verlor de Partie an Enn' aber mit 2:3.

In de Davis Cup-Saison 2012 keem dat tüschen Kohlschreiber un Teamchef Patrik Kühnen to'n Striet, nahdem sück Kohlschreiber för de Eerstrundenpartie gegen Argentinien krank afmeldt harr. He hett denn aber ok nich as Tokieker deelnommen, wat hüm Kritik vun Tommy Haas inbroch un todem dorto führ, dat he ok för dat Relegatschonsspeel gegen Australien nich upstellt wurr, ofschons he to dissen Tietpunkt de an' besten platzeert Düütsch in de Weltranglist weer. In dat Johr stunn he in’ Juli up Platz 16, wat ok sien bitlang hööchst Platzeeren is.

Wat he schafft hett[ännern | Bornkood ännern]

Legende (Antall vun de Siege)
Grand Slam
Tennis Masters Cup / ATP World Tour Finals
ATP Masters Series / ATP World Tour Masters 1000
ATP International Series Gold / ATP World Tour 500 Series (2)
ATP International Series / ATP World Tour 250 Series (9)

Eenzel[ännern | Bornkood ännern]

Siege[ännern | Bornkood ännern]

Nr.	Datum	Turnier	Belag	Finalgegner	Endergevnis
1.	6. Mai 2007	München (1)	Sand	Michail Juschny	2:6, 6:3, 6:4
2.	12. Januar 2008	Auckland	Hartplatz	Juan Carlos Ferrero	7:6⁴, 7:5
3.	12. Juni 2011	Halle	Rasen	Philipp Petzschner	7:6⁵, 2:0, Upgaav
4.	6. Mai 2012	München (2)	Sand	Marin Čilić	7:6⁸, 6:3

Finaldeelnahmen[ännern | Bornkood ännern]

Nr.	Datum	Turnier	Belag	Finalgegner	Endergevnis
1.	15. Juni 2008	Halle	Rasen	Roger Federer	3:6, 4:6
2.	27. September 2009	Metz	Hartplatz (i)	Gaël Monfils	6:7¹, 6:3, 2:6
3.	27. Juli 2012	Kitzbühel	Sand	Robin Haase	7:6², 3:6, 2:6
4.	12. Januar 2013	Auckland	Hartplatz	David Ferrer	6:7⁵, 1:6
5.	5. Mai 2013	München	Sand	Tommy Haas	3:6, 6:7³
6.	14. Juli 2013	Stuttgart	Sand	Fabio Fognini	7:5, 4:6, 4:6

Düppel[ännern | Bornkood ännern]

Siege[ännern | Bornkood ännern]

Nr.	Datum	Turnier	Belag	Partner	Finalgegner	Endergevnis
1.	2. Oktober 2005	Ho-Chi-Minh-Stadt	Teppich	Lars Burgsmüller	Ashley Fisher Robert Lindstedt	5:7, 6:4, 6:2
2.	30. Juli 2006	Kitzbühel	Sand	Stefan Koubek	Oliver Marach Cyril Suk	6:2, 6:3
3.	6. Mai 2007	München	Sand	Michail Juschny	Jan Hájek Jaroslav Levinský	6:1, 6:4
4.	4. Januar 2008	Doha (1)	Hartplatz	David Škoch	Wesley Moodie Jeff Coetzee	6:4, 4:6, [11:9]
5.	12. Juli 2008	Stuttgart	Sand	Christopher Kas	Michael Berrer Mischa Zverev	6:3, 6:4
6.	14. Juni 2009	Halle	Rasen	Christopher Kas	Andreas Beck Marco Chiudinelli	6:3, 6:4
7.	4. Januar 2013	Doha (2)	Hartplatz	Christopher Kas	Julian Knowle Filip Polášek	7:5, 6:4

Finalteilnahmen[ännern | Bornkood ännern]

Nr.	Datum	Turnier	Belag	Partner	Finalgegner	Endergevnis
1.	24. Februar 2008	Rotterdam	Hartplatz	Michail Juschny	Tomáš Berdych Dmitri Tursunow	5:7, 6:3, [7:10]
2.	26. Oktober 2008	Basel	Hartplatz (i)	Christopher Kas	Mahesh Bhupathi Mark Knowles	3:6, 3:6
3.	6. Januar 2012	Doha	Hartplatz	Christopher Kas	Lukáš Rosol Filip Polášek	3:6, 4:6