Philip Hermogenes Calderon

Sülvstporträt vun Philip Hermogenes Calderon

Philip Hermogenes Calderon (* 3. Mai 1833 in Poitiers; † 30. April 1898 in London) weer en engelsch Maler.

Biographie

Philip Hermogenes Calderon wurr an’n 3. Mai 1833 as Söhn vun den Spanier Juan Calderón in dat franzöösch Poitiers geboren. 1845 gung he nah London, bevör he later an de École de Beaux-Arts in Paris as Schöler vun F. C. Picot studeeren dee. He weer Liddmaat vun de Künstlergrupp vun de St. John's Wood School un de Royal Academy of Arts.

Philip Calderon harr twee Söhns, William Frank Calderon (* 1865) un George Leslie Calderon (* 1868), wobi sück William ebenfalls mit Kunst befaaten dee, George dorgegen mit de Literatur.

He is an’n 30. April 1898 in London storven un wurr up den Karkhoff Kensal Green Cemetery bisett.

Calderon hett överweegend Porträts un Historienbilder malt. Sien Warken umfaaten aber ok Biller vun de Genremaleree un Landschapsmaleree.

Warken (Utwahl)

• 
  Broken Vows, 1857
• 
  With the river, 1869
• 
  His Reverence, 1876
• 
  Captain of the Eleven, 1882
• 
  Summer berries, 1883
• 
  Ruth and Naomi, 1886
• 
  A Rose of Provence

De Warken vun Caldleron sünd ünner annern in de Hamborger Kunsthall utstellt.

Literatur

• Robert Darmstaedter: Künstlerlexikon. Über 4400 Künstler von der Antike bis zur Gegenwart. Hrsg.: Pawlak Herrsching. 1986, ISBN 978-3-88199-300-5, S. 116. 

Weblinks

Philip Hermogenes Calderon. Mehr Biller, Videos oder Audiodateien to’t Thema gifft dat bi Wikimedia Commons.