Peter Wilhelm Dröscher

Vun Wikipedia
Zur Navigation springen Zur Suche springen
Peter Wilhelm Dröscher (2014)

Peter Wilhelm Dröscher (* 11. Juni 1946 in Kirn; † 16. Dezember 2020 in Bad Kreuznach) weer en düütsch SPD-Politiker un van’n 20. Mai 1996 bit to’n 30. Juni 2014 Liddmaat vun den Landdag vun Rhienland-Palz.[1]

Leven[ännern | Bornkood ännern]

Peter Wilhelm Dröscher weer de Söhn vun Wilhelm Dröscher. Nah sien Abitur hett he en Utbillen to’n Industriedesigner maakt un studeer Sellschopswetenschapen in Darmstadt (Afsluss M.A.). Van 1979 bit 1990 hett he as Leiter vun en Heimvolkshoochschool in Oer-Erkenschwick arbeit. Ansluutend hett he bit 1996 as Baas vun dat Projekt Geriatrie/Altenhilfe as ok vun de Altenpleegscholen in’n Elisabethenstift Darmstadt arbeit. Dröscher weer verheiraadt un harr dree utwussen Kinner. Later hett he mit sien Frau in sien Öllernhuus in Kirn wahnt.

He is an’n 16. Dezember 2020 an den Folgen vun COVID-19 doodbleven.[2]

Politisch Loopbahn[ännern | Bornkood ännern]

Dröscher weer af 1969 Liddmaat vun de SPD. Van Mai 1996 bit Juni 2014 hett he den Wahlkreis Kirn-Bad Sobernheim in’n Landdag vun Rhienland-Palz vertreeden. He weer van 2003 bit 2013 Landesvörsitter vun de SPD-Arbeitsgemeenschap „60 plus“.

In‘n Landdag vun Rhienland-Palz harr Dröscher de Funktschonen vun den Vörsitter vun den Petitschonsutschuss un de Straafvulltreckenskommission as ok vun den demografiepolitischen Spreeker vun de SPD-Landtagsfraktion inne.

Apenlich Ämter[ännern | Bornkood ännern]

  • 1989–1990 Liddmaat vun de Raat vun de Stadt Oer-Erkenschwick
  • 1994–2004 Liddmaat vun den Stadtraat Kirn
  • af 1999 Liddmaat in‘ Kreisdag Bad Kreuznach
  • af 2004 1. Bigeordneter vun de Stadt Kirn

Weblinks[ännern | Bornkood ännern]

Commons-logo.svg Peter Wilhelm Dröscher. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Bericht, afropen an’n 20. Dezember 2020
  2. Trauer um den Kirner SPD-Politiker Peter Wilhelm Dröscher. Afropen an’n 18. Dezember 2020.