Peter Sematimba
Peter Sematimba (* groff 1958[1] in’n Kreis Bulemezi[2] in Uganda) is en ugandschen Ünnernehmer.
Sematimba weer op dat King’s College in Budo[2]. Nadem he mit 16 vun de School af is, hett he sik mit en lütte Eet-Bood sülvstännig maakt, in de he Mais-Snacks verköfft hett. Later is he na de USA gahn.
1993 is he na üm un bi veerteihn Johr ut de USA na Uganda trüchkehrt un hett dor in Kampala de Dungeon Studios opmaakt un weer DJ. He is Besitter vun Super FM. En groten Schandaal hett he mit sien Programm Dr. Senga utlööst, bi dat se junge Lüüd in Sexfragen beraadt hebbt. Dat Programm müss na Protesten afsett warrn[3]. He hett aver ok annere Ünnernehmen in Kampala un ümto, hett en Ranch un en Fischexport, hett verschedene Medienünnernehmen för Radio- un Feernsehprogramm un hett mehr as 100 Lüüd in Lohn un Brood[2]. Ok as christlichen Preddiger is he aktiv.
2006 weer he unafhängigen Kandidat as Börgermeester vun Kampala, hett aver gegen Haji Nasser Ntege Ssebagala verloren un is mit 40,3 % vun de Stimmen de Twete worrn.
Sematimba hett siene Fro an’n 13. Juni 1997 in Los Angeles heiraadt un hett mit ehr twee Döchter[4][5].
Footnoten[ännern | Bornkood ännern]
- ↑ Sematimba, who is in his late 40s but does not like to give his age publicly, returned from the United States in 1993 and staying there for 14 years., 2006, http://www.radiokatwe.com/sematimba031206.htm
- ↑ a b c http://allafrica.com/stories/200803101786.html
- ↑ http://findarticles.com/p/articles/mi_qa5391/is_199901/ai_n21433750
- ↑ http://www.newvision.co.ug/D/9/38/478453
- ↑ http://www.ugandaobserver.com/new/archives/2007arch/easy/family/apr/fam2007040121.php