Peter Prevc

Peter Prevc 2014

Peter Prevc [[preu̯t͡s]] (* 20. September 1992 in Kranj) is en sloweensch Skispringer. He hett de Veerschanzentournee 2015/16 wunnen un bi Nordische Skiweltmeesterschapen un Olympisch Winterspelen fiev Medaillen wunnen.

Werdegang

Prevc, de för den SK Triglav Kranj springt, is 2006 noch as 13-Johriger eerstmals in’ FIS-Cup start. In de Saison 2008/09 hett he sien eerste Punkte in’ Skisprung-Continental-Cup haalt. Up sien Heimschanze in Kranj as ok up de Grootschanze vun Pragelato stunn he as jewiels Tweet up dat Podest. Bi de Juniorenweltmeesterschapen in Štrbské Pleso keem he in dat Eenzelspringen up den sössten Platz.

Bi de Sloweensch Meesterschapen 2009 in Kranj wunn he gemeensam mit Robert Kranjec, Primož Peterka un Jaka Oblak dat Teamspringen un keem in’ Eenzel up den fievten Platz. Ok bi dat Europääsch Olympisch Winter-Jöögdfestival 2009 weer he spoodriek un wunn in Polen de Goldmedaille in’ Eenzel un mit de Mannschap.

In’ Dezember 2009 keem Peter Prevc anstäe vun Jernej Damjan in de sloweensch Weltcup-Mannschap. In Lillehammer hett he sück glieks för den Hööftwettbewarf qualifizeert, wo he – wenn ok begünstigt dör Schneefall – mit Rang 22 sien eerst Weltcuppunkte recken dee. Bi de Junioren-Weltmeesterschap 2010 in Hinterzarten wunn he in’ Eenzelwettbewarf vun de Normalschanze de Sülvermedaille un mit de Mannschap de Bronzemedaille. Bi de Landsmeesterschapen in dat glieker Johr in in Kranj wunn he weer Gold in dat Teamspringen.

Bi den Olympisch Winterspelen 2010 in Vancouver reck de nu 17johrige in dat Springen vun de Normalschanze Platz 7, vun de Grootschanze Platz 16 un mit de Mannschap keem he up Rang 8.

Bi de Nordisch Skiweltmeesterschapen 2011 in Oslo is he för Slowenien in all veer Sprungwettbewarfen an den Start gahn. Up de Normalschanze keem he up Platz 17 un mit dat Team up den sössten Platz. Vun de Grootschanze keem he ok nich över Platz 25 herut, wunn aber in dat Teamspringen gemeensam mit Jurij Tepeš, Jernej Damjan un Robert Kranjec de Bronzemedaille. Bi den sloweensch Meesterschapen 2011 hett he mit de Mannschap vun den SK Triglav Kranj den Titel im Teamwettbewarv verteidigen, wiels he in dat Eenzelspringen den tweeten Platz recken dee. Een Jahr later reck he sien eersten Eenzeltitel. Dat bit dorhen spoodriekst Johr vun sien Loopbahn wurr dör de Wahl vun de sloweensch Skisprung-Mannschap (gemeensam mit Robert Kranjec, Jurij Tepeš un Jernej Damjan) to de Mannschap vun dat Johr in Slowenien kröönt.

An' 19. Februar 2012 wunn he mit de sloweensch Mannschap dat Mannschapsspringen up de Heini-Klopfer-Skiflugschanze. Dormit harr he nich blots den eersten Weltcupsieg in sien Loopbahn haalt, de sloweensch Mannschap wunn ok eerstmals överhoopt en Teamwettbewarv in' Weltcup. He sülvst truck sück bi sien Sprung up 225,5 Meter, den he nich stahn kunn, Bänderrisse in de Schuller to.

Bi de Nordisch Skiweltmeesterschapen 2013 in' Fleimstal|Val di Fiemme reck he achter Anders Bardal un Gregor Schlierenzauer bi dat Springen up de Normalschanze den darten Platz un wunn dordör de Bronzemedaille. Bi dat Springen up de Grootschanze an' 28. Februar 2013 wurr he achter Kamil Stoch Tweet un wunn de Sülvermedaille vör Anders Jacobsen Sülver.

Sien eersten Weltcupsieg in en Eenzelsrpingen fier he an' 12. Januar 2014 bi dat Skifleegen in Tauplitz an' Kulm, den knapp twee Week later in Sapporo de tweet Erfolg bi en Weltcupspringen folgen dee. An' 9. Februar hett he bi de Olympisch Winterspelen 2014 in Sotschi Sülver up de Normalschanze achter Kamil Stoch vör Anders Bardal. In den Wettbewarv up de Groootschanze wunn he de Bronzemedaille achter Kamil Stoch un Noriaki Kasai. De Saison hett he denn afslooten mit en wiederen Skifloogsieg in Planica un Platz twee in de Weltcupgesamtwertung.

An' 26. Juli 2014 hett he up de Malinka in Wisła sien eersten Eenzelsieg in' Sommer-Grand-Prix schafft.

An' 14. Februar 2015 gelung hüm bi de Weltcup-Veranstaltung an' Vikersundbakken as eerst Skispringer en Floog up 250,0 Meter, mit den he en nee Skifloogweltrekord upstellen dee. Disse Rekord wurr aber all an den folgen Dag vun Anders Fannemel verbeetert.

An' 20. März 2015 gelung hüm in sien Heimat up de Letalnica vun Planica en Floog up 248,5 Meter. He överdroop dormit de an den sülvigen Dag vun Michael Hayböck upstellten Schanzenrekord um söben Meter. In' tweeten Dörgang kreeg he för sien Floog up 233 Meter fievmal de Note 20, en Bewertung, de eerst fiev anner Springer vör hüm kreegen harrn. As ok all in de Vörsaison reck Prevc in' Weltcup 2014/15 den tweeten Platz in de Gesamtwertung. He hett woll de Saison punktgliek mit den Weltcupsieger Severin Freund afslooten, harr allerdings weniger Eenzelwettkämpe wunnen as Freund, weshalb he Platz twee in' Gesamtweltcup belegg.

In de Saison 2015/16 wunn he dree Weltcupspringen vör de Veerschanzentournee un gung dormit as Weltcupführender un Favorit in de Tournee. Nahdem he bi dat eerst Springen in Oberstdorf Dart wurrn weer, wunn h e de dree folgen Tourneespringen un de Gesamtwertung.

An' 16. Januar 2016 wurr Prevc in dat öösterrieksch Bad Mitterndorf Eenzelweltmeester bi de Skifloog-Weltmeesterschap un verbeeter den Schanzenrekord gliek tweemal, toletzt up 244 Meter.

Privates

Peter Prevc hett twee jüngere Bröers, Cene (* 1996) un Domen (* 1999), de ebenfalls spoodriek Skispringer sünd.

Weblenken

Peter Prevc. Mehr Biller, Videos oder Audiodateien to’t Thema gifft dat bi Wikimedia Commons.

• Peter Prevc in de Datenbank vun de FIS (engelsch)
• Peter Prevc in de Datenbank vun Sportsreference (engelsch)