Peter Martens (Spraakwetenschopper)
Peter Martens (* 10. Mai 1919 in Hamborg; † 28. März 2012) weer en düütschen Spraakwetenschopler.
Martens is 1919 as Söhn vun’n Spraakwetenschopler Carl Martens in Hamborg boren. 1930 güng dat för em op de Oberschool för Jungs in Barmbek. 1939 müss he as Soldat in’n Krieg un hett Deenst in Düütschland, Belgien, Frankriek un Noordafrika maakt. Dor keem he in Kriegsgefangenschop un weer denn in Marokko, de USA un Frankriek. Ut de Gefangenschop keem he 1946 wedder un füng an de Universität Hamborg dat Studeren op Phonetik, Germanistik, Anglistik un Romanistik an. Dor möök he 1953 denn ok sien Dokter. 1977 is he in Hamborg Perfesser för Phonetik vun de düütsche un anner Spraken worrn. 1985 is he denn in Rohstand gahn.
He hett sik ok jümmer för de plattdüütsche Spraak insett. 1978 möök he mit welk anner Lüüd de plattdüütschen Leesböker för de School Wi snackt Platt un Platt för Jungs un Deerns. Bi Freudenthal- un Fritz-Reuter-Pries hett he lang mit in de Jury seten.
Ok Peter Martens sien Fro Maren-Elisabeth Martens un siene Dochter Hiltrud Scheeren-Martens hebbt dat mit de Phonologie un hebbt to dat Thema forscht.
Warken
[ännern | Bornkood ännern]- Wi snackt Platt. 1978
- Platt för Jungs un Deerns. 1978
- Plattdüütsch in de School. Handreichungen und Anregungen für den Unterricht. Leer 1989
- Plattdeutsches Hamburg-Buch. Wachholtz-Verlag, Niemönster 1989
- Vun Gott un de Welt. Anthologie rutgeven tohoop mit Heinrich Kahl, 1995
- Ook op Plattdüütsch geiht dat goot. Wachholtz-Verlag, Niemönster 2003, ISBN 978-3529049071