Persen Verlag

Vun Wikipedia
Zur Navigation springen Zur Suche springen
Logo von’n Verlag

De Persen Verlag ut Hamborg is en Verlag, de to de AAP Lehrerfachverlage GmbH höört, wat en Dochterünnernehmen von’n Klett-Verlag ut Stuttgart is.

Historie[ännern | Bornkood ännern]

De Verlag is 1976 in Bardörp von dat Ehpoor Sigrid Persen-Müller un Heiner Müller grünnt worrn. To Anfang hett Heiner Müller, Spraaklehrer in’n Kinnergoorn, de Bergedorfer Bilderbögen für die Spracherziehung entwickelt. En Tied later hett he mit siene Fro Sigrid Persen de Persen Verlag GmbH grünnt. 1982 töög de Verlag von Bardörp na Hornborg. 1999 hebbt de Grünners den Verlag an’n Klett-Verlag verköfft un sik ut dat Geschäft trüggtagen. 2007 is de Firmensitt na Buxthu ümtagen. In’n Juli 2010 is de Persen Verlag mit’n AOL-Verlag un Auer Verlag – ok Döchter von Klett – to de AAP Lehrerfachverlage GmbH tohoopleggt worrn. Siet 2009 föhrt Christian Glaser as Geschäftsföhrer von de AAP Lehrerfachverlage GmbH ok den Persen Verlag. 2012 is de Firmensitt von Buxthu na Horborg leggt worrn.

Produkte un Marken[ännern | Bornkood ännern]

Logo von de Mark Bergedorfer®

Dat Ünnernehmen verleggt Materialien för’n Ünnerricht, Arbeidsbläder un Kopiervörlagen för Schoolmeesters. Dat kumplette Sortiment besteiht ut üm un bi 1500 Titels för meist all Fächer in de Grund- un Förderschool un de Sekundarstufe. De Produkte warrt in Düütschland, Öösterriek un de Swiez verköfft. 35 Mitarbeiders un 50 fre’e Autoren produzeert so wat 150 ne’e Titels pro Johr. To de Autoren tellt Ralph Birkholz, Gerlinde Blahak, Kurt Hackenbruch, Alexandra Hanneforth, Kirstin Jebautzke, Nicole Weber un Bernd Wehren.

De Persen Verlag verdrifft siene Produkte ünner de Mark Bergedorfer® un Produktregen so as Bergedorfer® Kopiervorlagen, Bergedorfer® Unterrichtsideen, Bergedorfer® Förderpraxis un Bergedorfer COLORCLIPS®. To dat Sortiment höört ok de Titels ut de Reeg „Moderne Pädagogik – MoPäd“. De Mark Bergedorfer® is 1992 bi dat Düütsche Patent- un Markenamt indragen worrn. Se steiht för Ünnerrichtshelpsaken, de de Schoolmeesters Materialien to fächerspezifische Themen un to de allgemenen Themen von’n Schoolalldag praatstellt.

Verdriev[ännern | Bornkood ännern]

De Verdriev von de Produkte von’n Persen Verlages löppt över den egenen Webshop un över den statschonären Bookhannel un Online-Bookhannel. Siet 2011 warrt de Produkte ok digital as E-Book verdreven.

Weblenken[ännern | Bornkood ännern]