Paul Robert Milgrom

Paul Milgrom, 2013

Paul Robert Milgrom (* 20. April 1948 in Detroit, Michigan) is en US-amerikaansch Ökonom. He lehrt siet 1987 an de Stanford University in Kalifornien, wo he all as Dokterand forscht harr. He is buterdem Direkter vun dat dortig Institut för theoretische Volkswertschapslehre. Milgrom hett weltwiet Standards för dat Verstiegern vun Telekommunikatschonsfrequenzen sett un maatgevend de Theorie vun Auktschonen un deren Gebruuk präägt. 2020 wurr hüm för sien Arbeiten up dit Rebeet gemeensam mit sien Doktervader Robert Butler Wilson de Nobelrpries för Wertschapswetenschapen tospraaken.

Leven

Milgrom hett an de University of Michigan Mathematik studeert un 1979 an de Stanford University sien Doktertitel kreegen. Sien Doktervader weer Robert Butler Wilson. In de Folgetiet lehr he an de Kellogg School of Management un de Yale University, bevör he 1987 as Perfesser nah Stanford torüch gung.

Wark

Sien wetenschaplich Arbeit konzentreert sück up Auktschonen, Anreizsysteme (as to’n Bispeel Verdrääg) un de Gestaltung vun Märkten, in de dat to’n Bispeel um de Toordnung vun spennd Organen to Patienten geiht. Milgrom behannelt disse Themen vör allen ut auktschonstheoretischer Sicht, wurrd aber ok as Saakverständiger bi entspreekend praktischen Problemen herantrucken.

Utteknungen

• 2008 Nemmers-Pries för Wertschapswetenschapen
• 2012 BBVA Foundation Frontiers of Knowledge Awards
• 2018 John J. Carty Award
• 2020 Nobelpries för Wertschapswetenschapen (gemeensam mit Robert Butler Wilson)

Liddmaatschapen

• 1992 American Academy of Arts and Sciences
• 2006 National Academy of Sciences

Warken

• The structure of information in competitive bidding. Garland Publ., New York 1979, ISBN 0-8240-4056-2, togliek: Dissertatschoon, Stanford University, 1978
• mit D. John Roberts: Economics, organization, and management. Prentice Hall, Englewood Cliffs, N.J. 1992, ISBN 0-13-224650-3
• Putting auction theory to work. Cambridge University Press, Cambridge 2004, ISBN 0-521-55184-6
• Discovering prices. Auction design in markets with complex constraints. Columbia University Press, New York, NY [2017], ISBN 978-0231-17598-2

Weblinks

• Website bi de Stanford University