Pannkoken (Backwark)
Pannkoken (m., pl. Pannkokens) is, wie de Naam seggt, een Koken, also eene Söötspies, de inne Pann / Bradpann backt ward. De Pannkoken, woanners seggt se ok Eierkoken, is eene Mehlspies, de in Norddüütschland na de gliekse Anwiesen makt ward:
Wetenmehl, Vullmelk, ganze Eier, lütt beten Zucker un Solt, ward tohop röhrt un'n beten gahn laten.
De Pann mutt gatlich heet ween, denn ward Botter oder Öl heet makt. De Pannkokendeeg ward kellenwies in de Pann geben un vun beide Sieten hellbruun anbrad't.
Eten ward de Pannkoken veelfach mit upstreiten Zucker un Zimt, oder ok mit Appelmoos, Gelee usw.
Düütschland- un weltwiet gift dat de Pannkoken 'n beten afännert un ok mit anner Namen.