Pam Shriver

Vun Wikipedia
Grand-Slam-Winners in’t Tennis
Johr Tennisspeler(in) Wettstriet
1938 Don Budge Mannslüüd, Enkelt
1951 Frank Sedgman
Ken McGregor
Mannslüüd, Dubbel
1953 Maureen Connolly Fronslüüd, Enkelt
1962 Rod Laver Mannslüüd, Enkelt
1963 Margaret Smith Court
Ken Fletcher
Mixed
1969 Rod Laver Mannslüüd, Enkelt
1970 Margaret Smith Court Fronslüüd, Enkelt
1984 Martina Navrátilová
Pam Shriver
Fronslüüd, Dubbel
1988 Steffi Graf Fronslüüd, Enkelt (Golden Slam)

Pam Howard Shriver (* 4. Juli 1962 in Baltimore, Maryland) is en fröhere US-amerikaansche Tennisspelersche.

Shriver stünn 1978 mit 16 Johren in’n Fronsendspeel vun de US Open, as se in’n Halffinale Martina Navrátilová mit 7:6 un 7:6 beet maakt hett. Man, in’t Endspeel hett se denn mit 5:7 un 4:6 gegen Chris Evert verloren. Dat weer dat eenzige mol, dat se in’t Enkelt bi en Gand-Slam-Turneer bit in’t Endspeel kamen is. Negenmol weer se aver in’t Halffinale vun Grand-Slam-Turneren (US Open 1978, 1982 un 1983; Australian Open 1981 bit 1983; Wimbledon 1981, 1987 un 1988) un hett op de WTA-Tour eenuntwintig Turneren in’t Enkelt wunnen. Wiel de 1980er Johren hett se lange Tiet to de besten teihn Tennisspelersches vun de Welt tellt. Ehr höchste Positschoon in de Enkeltweltranglist weer Platz 3.

Een vun ehr gröttsten Spelen in’t Enkelt harr Pam Shriver 1988 bi’t Masters, woneem se in’t Endpseel keem un op’n Weg dorhen eerst Chris Evert un dorna ok Steffi Graf ut’n Weg rüümt hett.

Wiet mehr Spood harr se in’t Dubbel. Tosamen mit Martina Navrátilová hett se twintig Grand-Slam-Turneren wunnen un in’t Johr 1984 sogor den Grand-Slam sülvst. Vun April 1983 bit Juli 1985 künn de Mannschop Navrátilová/Shriver 109 Spelen lang nich beet kregen warrn. Ehrn 21. Grand-Slam-Titel hett Shriver 1991 mit Natasha Zvereva bi de US Open wunnen.

Bi de Olympschen Sommerspelen 1988 künn se mit Zina Garrison butendem de Goldmedaille winnen. Op de WTA-Tour hett Pam Shriver alltosamen 106 Dubbel_Titel wunnen, 78 dorvun tosamen mit Martina Navrátilová. In’t Mixed hett Shriver eenmol en Grand-Slam-Turneer wunnen. Dat weer bi de French Open 1987 an de Siet vun Emilio Sánchez Vicario.

Dat Turneertennis hett Pam Shriver 1994 opgeven. Se arbeit vundaag as Sportkommentatersche för de BBC, ABC, CBS un ESPN. In’t Johr 2002 hett se den fröheren Bond-Dorsteller un Modell George Lazenby heiraat. De Eh hett aver blots bit 2008 anduert. Ehr eerste Ehann, Joe Shapiro, weer 1999 an en Non-Hodgkin-Lymphom doodbleven.

Weblenken[ännern | Bornkood ännern]