Otto van Volxem
Otto van Volxem (* 18. August 1913 in Hamm; † 16. Februar 1994 in Konz-Oberemmel) weer en düütsch Wiengootbesitter un Politiker (CDU).
Leven un Loopbahn
[ännern | Bornkood ännern]Nah den Besöök vun de Volksschool un dat Abitur an dat Gymnasium Aloisiuskolleg in Bad Godesberg studeer van Volxem van 1933 bit 1937 Landwertscha un Wienbau an de Wienbaulehranstalt Trier un hett ansluutend dat Wiengoot vun sien Öllern in Oberemmel, an de Saar övernommen. 1935/36 hett he sien Wehrdienst afleist un nehm van 1939 bit 1945 as Suldat an' Tweeten Weltkrieg deel. Nah dat Kriegsenn' hett he weer dat Wiengoot bedreven un weer van 1964 bit 1980 Vörsitter vun de Wienwarf Mosel-Saar-Ruwer un dornah hör Ehrenvörsitter. Buterdem weer he van 1961 bit 1967 Vörsitter vun dat rhienland-pälzisch Landskuratorium Unteilbares Deutschland.
Politisch Arbeit
[ännern | Bornkood ännern]Van Volxem, de af 1946 Liddmaat vun de CDU weer, weer van 1948 bit 1957 Kreisdagsliddmaat vun den Kreis Saarburg. He weer van 1951 bit 1971 Liddmaat vun den Landdag vun Rhienland-Palz un van 1959 bit 1971 Präsident vun den Landdag.
He amteer van' 15. Oktober 1957 bit to'n 19. Mai 1959 as Binnen- un Sozialminister in de vun Ministerpräsident Peter Altmeier führt Landsregeeren vun Rhienland-Palz.
Ehrungen
[ännern | Bornkood ännern]- Grootkrüüz vun dat Bundsverdeenstkrüüz
- Ehrenliddmaat vun de kathoolsch Studentenverbinnen K.St.V. Ketteler Mainz