Otto Dumke

Vun Wikipedia
Zur Navigation springen Zur Suche springen

Otto Dumke (* 29. April 1887 in Berlin; † 4. August 1912 ok dor) weer en düütsch Footballspeler.

De wuchtig Störmer fung mit dat Footballspelen bi Viktoria 89 Berlin an, wessel denn to Britannia 92 Berlin, is aber weer 1906 torüchgahn. En Johr later stunn he mit de Lüüd vun Viktoria in’t Endspeel um de düütsch Meesterschap tegen Freiburger FC. De Berliners hebbt dat aber mit 1:3 verloren.

1908 wunn Otto Dumke mit sien Viktoria den Titel dör en 3:1 tegen Stuttgarter Kickers; en Johr later kunnen se de Titel nich noch mal holen, se verloren mit 2:4 tegen Phönix Karlsruhe.

Dornah keem de Vereen wat in’t Kriseln. För en körten Tiet is de gesamte eerste Mannschap ut de Vereen uttreden. Se sünd aber all weer torüchkommen un mit hör de Spood.

1911 wunn de Viktoria ehr tweeten Meestertitel. Dit Mal wurr de VfB Leipzig mit 3:1 besiegt. En lütt Sett later harr sück dat aber mit de Vereen un de is in de Versenkung verschwunnen.

Obwohl he en paar Mal um de düütsche Meesterschap speelt hett, gelung Dumke dorbi nie en Dor. Dorbi harr he en Toog nah dat gegnerisch Dor un mit de Ball kunn he ok good umgahn. Wiels he so en besünners Oort harr, to spelen, hett man hüm "Schuuverer" (düütsch:"Schieber") nömmt. Wat he kunn, hebbt nahst ok de wichtig Lüüd bi’d Football sehn, besünners de, de för de Natschonalmannschap tostännig weern.

So keem Dumke 1911 to twee Lännerspelen tegen Sweden. Gliek in dat eerste Speel schoot he dree Doren, in dat tweete Speel droop he nix un de Düütschen verloren mit 1:3.

In dat glieker Johr wurr Dumke aber ok swor an de Lung krank un is doran denn ok 1912 all storven.