Ottmar Walter

Ottmar Kurt Herrmann Walter (* 6. März 1924 in Kaiserslautern; † 16. Juni 2013 ok dor) weer en düütsch Footballspeler. He speel in de 1950er Johren för den 1. FC Kaiserslautern un de Düütsch Footballnatschonalmannschap, mit de he 1954 Weltmeester wurr. He weer en Bröer vun Fritz Walter.

Leven

As Söhn vun den Vereenswertsmann vun den 1. FC Kaiserslautern un jüngerer Bröer vun Fritz un Ludwig Walter speel he in sien Jöögd bi den 1. FC Kaiserslautern, wo he later ok in den Herrenmannschap övernommen wurr. 1941, wiels den Tweeten Weltkrieg, wurde he to de Marine nah Cuxhoben un Kiel afberopen. Dor wessel he to'n Cuxhobener SV un reck mit dissen Vereen 1943 en Platz in de Goliga Oosthannober, de dormals hööchst Speelklass. In de Endrunn vun de düütsch Meesterschap 1943 speel he Holstein Kiel, dat de Endrunn nah en 4:1 gegen Schalke 04 mit en 4:1-Sieg gegen Vienna Wien as Dart afsluuten kunn. Wegen de wiest Leistungen bi Holstein Kiel, he harr völ wichtige Doren in de Endrunn schaaten, hett hüm Riekstrainer Sepp Herberger to en Natschonalmannschaps-Lehrgang inladen, to de dat denn aber nich mehr kommen is. In' Krieg hett he sück an dat rechter Knee verletzt.

Nah dat Kriegsenn' wessel he 1947 weer nah Kaiserslautern torüch. Gemeensam mit sien Bröer Fritz hett he maatgevend dorto bidragen, dat de 1. FC Kaiserslautern in de Johren 1951 un 1953 Düütsch Meester wurr. Mit 295 Doren in 275 Spelen is he de Rekorddorschütt vun de Böverliga Süüdwest. In 42 Endrundenspelen um de düütsch Meesterschap hett he vör Kaiserslautern un Kiel 31 Doren schaaten. De Bilanz vun all Plichtspelen för den FCK wurrd vun Vereenssiet mit 321 Plichtspelen un 336 Toren angeven, wobi sück de nipp un nau Tall blots noch stuur bewiesen lett.

Walter droog tüschen 1950 un 1956 21-mal dat Trikot vun den DFB un hett dorbi 10 Doren schaaten. De Hööchpunkt vun sien Loopbahn weer de Gewinn vun de Football-Weltmeesterschap 1954 gegen den Mannschap vun gegen Ungarn, dat 3:2 för de düütsch Mannschap enn' dee. Ottmar Walter harr in de Qualifikation to de WM eenmal un wiels de WM veermal drapen.

Nah völ Knie-Operatschonen hett he 1959 sien Loopbahn as Footballspeler afslooten. In de Nahkriegsteit hett Walter as Kurierfohrer för dat Nehrensamt arbeit. Later bedreev he en Tankstäe, de he 1970 övergeev. Bit to sien Pensioneeren 1984 hett he bi de Stadt Kaiserslautern arbeit.

To'n Anlaat vun sien 80. Gebortsdag kreeg he dat Groot Bundsverdeenstkrüüz. Dat Ingangsdor to de Noordtribüne in dat Fritz-Walter-Stadion, dat nah sien Bröer Fritz Walter nömmt is, wurr – ebenfalls to'n Anlaat vun sien 80. Gebortsdag – in Ottmar-Walter-Tor umnömmt.

2005 kreeg en Regionaldrievtoog vun de Düütsch Bahn sien Naam.

Wegen en Alzheimer-Erkrankung leev Walter toletzt in en Olt- un Pleegheim in Kaiserslautern. Ottmar Walter weer siet 1948 verheiraadt. He hett sien Fru, een Söhn un twee Enkeldöchter achterlaaten.