Ottendörp-Klethen
Ottendörp-Klethen weer en Gemeen in'n Landkreis Stood, de dat bit 1972 geven hett. Dor hebbt de Öörd Ottendörp un Klethen tohöört.
Vör 1848 weern de Dörpen Ottendörp, dat wahrschienlich en Anbo vun Klethen weer[1], un Klethen noch twee sülvststännige Gemeen, de to de Böörd Ohlers binnen dat Amt Harsfeld tohöört hebbt.[2] Vun wegen de Neegd vun de Dörpen hebbt se en Gemeenverband billt; de Verwalten stünn in Ottendörp. Von 1967 bit 1972 is de Gemeen Liddmaat vun de Samtgemeen Ohlers ween.
Mit de Gemeenreform in Neddersassen is de fröher sülvststännige Gemeen Ottendörp-Klethen mit de Gemeen Ohlers tohoop leggt worrn.
Vundag delt sick de Öörd jümmer noch en Füürwehr un en poor Vereen.