Oliver Campbell

Oliver Campbell (1900)

Oliver Samuel Campbell (* 25. Februar 1871 in New York City; † 11. Juli 1953 in Campbellton, Kanada) weer en US-amerikaansch Tennisspeler.

Karriere

Campbell nehm af 1886 an de amerikaansch Tennismeesterschapen (hüüd US Open) deel. Van 1890 bit 1892 wunn he dor dree Mal den Titel in't Herreneenzel. Bi sien eersten Sieg gegen Henry Slocum weer he jüst 19 Johr olt; Disse Rekord hull genau 100 Johr, bit hüm Pete Sampras 1990 as jüngst Sieger aflösen dee. In't Herrendüppel weer he insgesamt dree Mal (1888, 1891, 1892) spoodriek. To'n Anfang van sien Loopbahn weer Campbell Grundlienspeler, stell denn aber sien Speel as en van de eerst amerikaansch Speler up Serve un Volley üm.

1892 nehm he en eenzig Mal an de Wimbledon Championships deel. In't Eenzel is he dorbi in't Achtelfinale gegen Arthur Gore utscheeden, in't Düppel kunn he an de Siet van George Hillyard dat Halffinale recken.

Toletzt mell he sück 1893 to de amerikaansch Meesterschapen an, is aber nich mehr antreeden. Dornah hett he sien Tenniskarriere afslooten.

1953 is he in dat Öller vun 82 Johren in Kanada storven. 1955 wurr he as een van de Eersten in de International Tennis Hall of Fame upnommen.

Borns un Weblenken

• Oliver Campbell in de International Tennis Hall of Fame (engelsch, mit Bild)
• [1] Oliver Samuel Campbell, tennisarchives.com, afropen an' 3. Januar 2016 (engelsch)
• Collins, B.: History of Tennis. 2. Uplaag. New Chapter Press, New York 2010, ISBN 978-0-942257-70-0, S. 556