Ohio State University

The Ohio State University (OSU) is en vun de gröttsten Universitäten vun de USA un besteiht ut den Hööftcampus, de sück in Columbus befinnd un den Nebencampus in Lima, Mansfield, Marion un Newark.

Meeten an de Antall vun Studeerenden weer de Campus vun de Ohio State University OSU in Columbus 2020 de gröttste Universität in den Bundsstaat Ohio un de dartgröttste Universität vun de USA.^[1] De OSU hörrt to de best staatlichen Universitäten vun de USA un wurrd dorumas sonömmt Public Ivy tellt.Se is besünners förhör Studiengänge in Spraakwetenschapen, Lehramt un Kunst bekannt un is, so seggt dat Nahrichtenmagazin US News, een vun de twintig besten apenlichen Universitäten in den USA un die beste in Ohio. Se is todem siet 1916 Liddmaat vun de Association of American Universities, en siet 1900 bestahn Verbund vun führend forschungsintensiver nordamerikaansch Universitäten. Hör Motto luut „Disciplina in civitatem“.

Geschichte[ännern | Bornkood ännern]

The Ohio State University wurr 1870 ünner de Naam Ohio Agricultural and Mechanical College grünnd un is siet 1873 ok för Studenten togänglich. De Universität leeg oorsprünglich an den nördlichen Rand vun Columbus in en landwertschaplich präägt Gegend. Dorum sullen tonächst blots Afslüsse in mechanischen un landwertschaplichen Utbillen vergeeven wurrn. 1878 wurr dat Billensangebot aber ok upanner Berieken utwiet, wat dorto führen dee, dat Universität hör Naam faken ännert hett, bit se sluutend den hüüdigen Naam annehmen dee.

Bit 1998 bedreev de OSU dat Radioteleskop The Big Ear, dat gröttste un langleevendste Radioteleskop vun dat SETI-Projekt. 1977 sörg dat mit den Empfang vun dat Wow-Signal ok internatschonal för Upmarksomkeit.

De Nobelpriesdräger Pierre Agostini lehr an disse Universität.

Tallen to de Studeerenden[ännern | Bornkood ännern]

In‘n Harvst 2020 weer vun de 61.369 Studeerenden an den Hööftcampus 46.984 bi höreerst Studienafsluss, se weern also undergraduates.^[2] Dorvan weern 50 % wievlich un 50 % männlich.^[2] 14.385 hemm up en wiederen Afsluss hen arbeit, se weern postgraduates.^[2] 580.000 Personen wurrn as Ehmalige vun de Universität (Alumni) tellt.^[3]

Mit 57.466 Studeerenden un ruch weg 5.000 Mitarbeiter weer de Campus in Columbus 2012 de veertgröttste tosommenhangende in den USA; mit all Standöörd weern dat dormals 63.217 inschreeven Studeerende.

Insgesamt gifft dat dor 6.868 akademische Mitarbeiter (Columbus, Harvst 2020)^[2]

Sport[ännern | Bornkood ännern]

De Sportteams vun de Universität wurrn Buckeyes (engelsch för „Rosskastanien“) nöömt un nehmen in de Division I vun de NCAA deel. Hör Maskottchen heet Brutus. Sportveranstaltungen – insbesünnere Football-Spelen – finnen faken in dat Ohio Stadium statt, dat wegen sien Hoofiesenform in‘n Volksmund as Horseshoe bekannt is un över 100.000 Tokiekers Platz bütt.

Medien vun de OSU[ännern | Bornkood ännern]

De Universität bedrifft neben hör, de apenlich Fernsehanstalt PBS nahstahn, Feernsehsenner mit Naam WOSU-TV de beid Radiostatschonen WOSU-AM un WOSU-FM (unterstütt vun NPR un BBC). All siet 2003 wurrd dat Feernsehprogramm in HDTV utstrahlt. De Universitätszeitung drocht de Naam The Lantern (plattdüütsch: „De Latern“). Todem produzeert de Universität dat Literaturmagazin Mosaic.
Neben den offiziellen Medien vun de Universität gifft dat ok vun Studeerenden bedreeven Medien, as den Radiosenner The Underground, de aber wegen mangelnder Verfügbarkeit vun Sendefrequenzen ahn Utnahm in’t Internet utstrahlt wurr, un de Feernsehstatschoon Buckeye-TV, de hööftsächlich up dat universitätseegen Kabelnett utstrahlt wurrn. Ok de jeden Maand rutbrocht Zeitung The Sentinel (plattdüütsch: De Waak) wurrd vun Studeerenden verdreeven, reckt aber nich de Verbreeden vun The Lantern.

Enkeld Nahwiesen[ännern | Bornkood ännern]

↑ John Misachi: 10 Largest Universities In The United States. In: WorldAtlas > Society. WorldAtlas, Valnet Inc., Reunion Technology Inc., 14. Oktober 2021, afropen an’n 21. November 2021 (amerikaansch Engelsch).
↑ ^a ^b ^c ^d College Navigator – Ohio State University-Main Campus. In: Integrated Postsecondary Education Data System > College Navigator > Ohio State University-Main Campus. National Center for Education Statistics (NCES), U.S. Department of Education, Institute of Education Sciences IES, 2020, afropen an’n 28. November 2021 (engelsch).
↑ Molly Ranz Calhoun: About us. In: Ohio State University Alumni Association. The Ohio State University Alumni Association, 28. Juli 2014, afropen an’n 27. November 2021 (engelsch).