Of Monsters and Men

Of Monsters and Men is en ieslännsch Band ut Reykjavík. Hör Stil is den Indie-Rock totoordnen. De Band – dormals noch as Quartett mit Nanna Bryndís Hilmarsdóttir, Ragnar „Raggi“ Þórhallsson (beid Gesang un Akustikgitarr), Brynjar Leifsson (E-Gitarr) un Arnar Rósenkranz Hilmarsson (Slagtüüch) – wunn 2010 den natschonalen Bandwettbewarf Músiktilraunir. Nah den Wettbewarf kamen Árni Guðjónsson (Klaveer un Akkordeon) un Kristján Páll Kristjánsson (Bass) as wiedere Bandliddmaaten dorto. Bi hör Upträe wurrd se meest noch vun de Trompeterin Ragnhildur Gunnarsdóttir ünnerstütt, de aber bitlang nich to de offizielle Bandliddmaaten tellt. In' Oktober 2010 sünd Of Monsters and Men wiels dat Musikfestival Iceland Airwaves ünner annern in dat nee Konzerthuus vun Reykjavíker Harpa uptreden.

Mit den Titel Little Talks hull sück de Band 2011 mehrere Week up Platz 1 vun de ieslännsch Single-Charts. Hör Debüt-Album My Head Is an Animal keem in September 2011 in Iesland herut un wurr in April 2012 ok up den amerikaanschen Markt verapenlicht. En EP Into the Woods mit veer utsöcht Titeln vun hör Album keem all in' Dezember 2011 herut.

In' März 2012 harrn Of Monsters and Men en eerst Nordamerika-Tour. In Düütschland sünd se eerstmals Enn' April 2012 in Köln un Berlin uptreden.