Odry

Dit Woort hett noch annere Bedüden: kiek dorför ünner Odry (Tschechien).

Odry (kaschubsch Òdrë, düütsch Odri) is en Dörp in Polen, legen in de Wojewodschaft Pommern, Kreis Chojnice, Gemeende Czersk.

In de Jahrenden 1975-1998 höörde de Oort to de Wojewodschaft Bydgoszcz.

In de Umgegend vun Odry liggt dat Reservat Kamienne Kręgi (Steenkringen), dat grottste in Polen, dat tweedgrottste in Europa, met welke Steenkringen, woll en Gräffnisstee vun de Goten ut dat 1. un 2. Johrhunnert n.Chr. Dar gifft dat 10 hele un 2 to´n Deel heel blevene Steenkringen.

De Steenkringen sünd dörchgahns 15 bet 33 m. Elkeen Steenkring hett 16 bet 29 Steen, de all 20 bet 70 cm ut de Eer vertüüch kamen. Sünner de Steenkringen gifft dat up dat Flach vun dat Reservat ook Graffbultens. Daar hebbt se in Steenkringen un Graffbultens üm un bi 600 Gräver apenleggt.

Vanaf den 15. September 1958 hebbt se dat Rebeet vun dat Reservat ünner Natuurschuul stellt. Dat is man nich blots vunwegen de Gräver, nee ook to´n Schuul vun över 86 Slääg vun Flechten (anners blots in de hogen Bargen to sehn), de up 300 Steen wassen.

Dat Flach vun dat Reservat hett bummelig 17 Hektar.