OPEC
De OPEC, med vullen Namen Organization of the Petroleum Exporting Countries is ene Organisatschoon, in de sik de Länder, de dat meest Eerdöölge weltwid produzeert, tohoop sloten het. De Liddmaten könnt so tohoopwärken, Inflood up den Eerdöölgemarkt weltwid nemen un so de Winst hoogsetten. De Organisatschoon hebbet den 14. September 1960 de fiev Länder Iran, Irak, Kuwait, Saudi-Arabien un Venezuela in Bagdad gründ. De twelf Liddmaten vandage produzeert wat bi 30 % van all dat Eerdööge weltwid.[1]
Schrid för Schrid het de OPEC in den 1960-er un 1970-er Jaren de weltwide Eerdöölgeproduktschoon för de Staten, de dat Öölge föddert, bettert un dat Oligopol van den dominanten britschen un US-amerikaanschen Firmen broken, dat bet daar hen den Markt beheerscht hadde.[2] In den 1970-er Jaren brochte de beknappte Öölgeproduktschoon de Öölgeprise düchtig rup med Folgen för de golabe Weerdschop, de lange un wiedhen recken. Sinds de 1980-er hadde de OPEC minder Inflood up den globalen Markt nomen, denn faken hoold de Liddmaten nich de gegensidigen Versprekens in.[3] Man sinds 2020 hulp de OPEC den Öölgemakrt stabil to hoolden, na dat de COVID 19-Pandemie den Nafrage daalsacken maakd hadde. So bleev de Öölgemarkt vergleken med ander Energien as Eerdgass realtiv stabil.[4]
Weerdschopswetenschoppeers hebbet de OPEC jümmers wedder as en Kartell as in’n Leerbook beschriven, dat tohoopwärkt den Weddbewarv to mindern.[5] De Arbeed van de OPEC geld up de andern Side man frige Tohooparbeed mang souveränen Staten un is so med den internatschonalen Gesetten övereen.[6]
Upstunds sind Algerien, Äquatoriaal-Guinea, Gabun, Iran, Irak, Kuwait, Libyen, Nigeria, de Republik Kongo, Saudi-Arabien, de Verenigden Araabschen Emirate un Venezuela Liddmaten in de OPEC. Angola, Ecuador, Indonesien, Katar weren Liddmaten, sind dat man vandage nich meer.[7] Ene gröttere Gruppe bild de OPEC+, in de ook ander Ländern, de Eerdöölge föddert sitt. Kanada, Ägypten, Norwegen un Oman beluurt de OPEc, sind man nich Liddmaten.
Nawise[ännern | Bornkood ännern]
- ↑ Opec: What is it and what is happening to oil prices?, In: BBC News. 03.05.2022 (engelsch)
- ↑ The Rise of OPEC. In: Colgan (2021), S. 59–93, (engelsch)
- ↑ Colgan, Jeff D. (2021). "The Stagnation of OPEC". Partial Hegemony: Oil Politics and International Order. Oxford University Press. pp. 94–118. doi:10.1093/oso/9780197546376.001.0001. ISBN 978-0-19-754637-6.
- ↑ https://www.cnbc.com/2020/04/09/oil-jumps-ahead-of-make-or-break-opec-meeting.html
- ↑
LeClair, Mark S. (8 July 2016) [2000]. "The History and Evlauation of Significant commodity Cartels". International Commodity Markets and the Role of Cartels (reprint ed.). Abingdon: Routledge. p. 81. ISBN 9781315500881. Retrieved 11 June 2023.
OPEC, the most notorious of the modern cartels, functioned effectively for only thirteen years.
- ↑
Terhechte, Jörg Philipp (1 December 2009). "Applying European Competition Law to International Organizations: The Case of OPEC". In Herrmann, Christoph; Terhechte, Jörg Philipp (eds.). European Yearbook of International Economic Law 2010. Heidelberg: Springer Science & Business Media. p. 195. ISBN 9783540788836. Retrieved 11 June 2023.
[...] the question whether OPEC's activities, those of its member states and those of the state-owned enterprises are protected by the principle of State Immunity is to be answered in accordance with the preconditions set by the UN Convention as an expression of common principles of International law. [...] The crucial question [...] in terms of International law is: 'Is OPEC engaged in commercial activities or not?'
- ↑ OPEC: Member Countries. opec.org. Upropen den 22. April 2020.