Norweegsch Buhund

Vun Wikipedia
Zur Navigation springen Zur Suche springen
Norweegsch Buhund
Norwegian Buhund 600.jpg
FCI - Standard Nr. 237
Patronat Norwegen
Klassifikatschoon FCI
  • Gruppe 5 Spitze un Hunnen vun’n Oortyp
  • Sektion 3 Nordische Waak- un Hödehunnen
Alternativ Naam

Norsk Buhund

Schufthööcht 41–46 cm
Gewicht 12-18 kg
List vun de Hunnenrassen

De Norweegsch Buhund is en vun de FCI (Nr. 237, Gr. 5, Sek. 3) anerkannt norweegsch Hunnenrass.

Herkunft un Geschichtliches[ännern | Bornkood ännern]

De Naam leit sück vun dat norweegsch Woort bu för Kaat, Buernhoff af un wurrd eerstmals in dat 17. Johrhunnert bruukt. In en Wikingergraff vun etwa 900 funnen sück Knaaken vun dissen Hunnentyp. De Buhund un sien Vörfohren weern wenig spezialiseert Hunnen vun norweegsch Buurn un wurrn to dat Veehhöden, to de Jagd un dat Bewaaken vun Huus un Hoff insett. 1943 wurr de Buhund vun de FCI as Rass anerkannt.

Beschrieven[ännern | Bornkood ännern]

De Norweegsch Buhund is en bit 46 cm groot, spitzaardig Hund mit en Gewicht van bit to 18 kg. Sien Hoor is dick un völ, hart, aber ehrder glatt anliggend mit dicht Ünnerwull, weetenfarven in völ Schatteeren oder swaart. De Ohren sünd middelgroot, uprecht stahnd un nah vörn richt. De Rute is hooch ansett, fast inrullt, över de Midden vun de Rügg, nich to düchtig sietlich dragen.

Wesen un Gebruuk[ännern | Bornkood ännern]

De Buhund gellt as Familienhund, is früendlich, speelt gern un is kinnerleev. He is den Minschen düchtig togedaan, bruukt aber völ Beschäftigung un Upmarksomkeit. De Hunnen bleeken aber düchtig, jedes Ereegnis un jeder Besööker wurrn vun hör kommenteert.

Weblinks[ännern | Bornkood ännern]

Commons-logo.svg Norweegsch Buhund. Mehr Biller, Videos oder Audiodateien to’t Thema gifft dat bi Wikimedia Commons.