Norbert Schramm
Norbert Schramm (* 7. April 1960 in Nürnbarg) is en ehmalger düütsch Ieskunstlöper, de in’t Eenzel starten dee. Schramm weer tweemal Europameester un Viezweltmeester un mehrfack düütsch Meester.
Loopstil[ännern | Bornkood ännern]
Sien Trainer weer Erich Zeller, de besünners völ Pflichtfiguren traineeren dee. Dat weer Schramm sien Ding nich so. Sien Stärken leegen in de Kür, wo he ok mehr to modern Musik leepen dee. He weer besünners bekannt för sien besünner Choreografien, bizarre Pirouetten statt Waagepirouetten, flink Schrittkombinatschoonen un wild Sprünge as den Russischen Spreizsprung. Dorto keemen sien ut- un upfallen Kostüme. Mit den Axel harr he sien gröttste Probleme.
Erfolge[ännern | Bornkood ännern]
Bi de 1981 in Innsbruck reck he mit Bronze sien eerst internatschonale Medaille. Dat Johr dorup wurr he Europameester (vör Jean-Christophe Simond un Igor Anatoljewitsch Bobrin|Igor Borbin) un ok Viezweltmeester (achter Scott Hamilton aber vör Brian Pockar). Disse Ergevnisse hett he 1983 nochmal schafft. 1984 sloot he sien Amateur-Loopbahn mit en Bronzerang bi de Ieskunstloop-Europameesterschapen in Budapest afslooten.
Bi de Olympisch Winterspelen 1984 keem he up Platz 9.
Für sien sportlichen Erfolge wurr he mit dat Sülvern Lorbeerblatt uttekent.
Nah sien Karriere[ännern | Bornkood ännern]
1984 is Schramm to de Profis wesselt un wurr dor ok Weltmeester un weer ok bi de Iesrevue Holiday on Ice. Van 1988 bit 1992 hett he Bedrievswertschap an de Universität Augsborg un van 1996 bit 1998 Public Relations, Apenlichkeitsarbeit an dat PR-Kolleg van de University of Management and Communication (FH), Potsdam.
Norbert Schramm weer tweemal verheiraadt un is Vader van en Dochter. He leevt to Tiet in Sonthofen in‘n Allgäu, wo he as freeschaffen Künstler arbeit.