Nootnagel

Vun Wikipedia
Zur Navigation springen Zur Suche springen

En Nootnagel weer fröher en Deel, womit de Füerwehr utstaffeert weer. De Nootnagel weer för den Fall, dat bi’t Brandbekämpen de Torüchweg ut en Huus dör dat Füer afsneden warrn un de Füerwehrmann nich mehr rut na buten kunn. In so en Fall künn he aver den Nootnagel inslahn un sik dör en Finster afseilen. De Nagel harr dorför an’n End en Öös. He weer in en lütte Tasch an’n Hakenreem fast maakt.

Ut dissen Redschap hett sik na un na dat Sprickwoort billt as Utdruck för en Nootlösen, wenn mol wat nich so klappt hett, as man dat wull.