Noordlandflagg

Plattdüütsch Flagg wait in'n Wind

De Noordlandflagg is en inoffitschelle Flagg för Plattdüütsch Land un Spraak. De Flagg is maakt as en Skandinaavsche Krüüz. De Klören vun de Flagg schöllt en typisch Plattdüütsch Landschop in't Vörjohr simboleren: Mit (vun buten na binnen) gröön för de Wischen un Feller, geel för Raps un Blamen, blau för de See un de wiete Heven.

Geschicht vun de Flagg

De Flagg kümmt ut de alternative Heimatbewegung vun de laten 1980e Johren. De Flagg hett hör Wutteln bi de olle Flagg vun't Land Ollnborg, de ook en Krüüzflagg was. De Flagg is autonoom, dat bedüüt, dor is keen änkel Parti achter un de stait neet för en bestemmt politisch Direktschoon. Een vun de dore Strieder för de Noordlandflagg as överregional Plattdüütsch Symbool is de Schriever Snorre Björkson, de meest alltiet bi sien Theaterwark un sien Lesen en Noordlandflagg hissen lett.

Kritik an de Flagg

Flagg vun de Vepsen

Wat tegen de Noordlandflagg snackt is, dat ene annere Minnerheet de Vepsen, en finnougrisch Volk in Russland, al siet 1992 de sülve Flaage bruukt.. De Noordlandflagg het twors ehren Orsprung in de laten 1980e Johren un is so villicht en lütt beten öller as de vepsische Flagg, man de Unnerschhed is de vepsische Flagg warrt, anners as de Noordlandflagg, auk offitschell bruukt.

Kiek ok na bi

• Groep fan Auwerk (Freesk Flagg)

Literatur

• "Wåår is dat Nordland?" Snorre Björkson in: Soltauer Schriften, 1999
• "Oh, dieses Plattdeutsch" Reihe Fremdsprech, Conrad Stein Verlag, 2012

Weblenken

Noordlandflagg. Mehr Biller, Videos oder Audiodateien to’t Thema gifft dat bi Wikimedia Commons.

• Plattdüütsche Flagg
• Kritik an de Noordlandflagg un Vörschlääg för ene Alternative