Noo-wha-ha
Die Noo-wha-ha sünd en Indianerstamm in de hüdige US-Bundsstaat Washington. Kulturell hörrt se to de Küsten-Salish.
1855 weern se as „Noo-wha-ah“ Mitünnertekner vun de Verdrag vun Point Elliott, dör den tallriek indiaansch Gruppen, de as „tribes“ oder „sub tribes“ (Stammen oder Ünnerstammen) betekend wurrn, hörr traditschonell Rebeeden an de USA aftreden hebbt un Reservate (reservations) för hör inricht wurrn. Aber de Noo-wha-ah sünd nie as Indianerstamm, so as dat in de Gesetten stunn, anerkannt wurrn.
Pat-teh-us, de dor as „sub chief“, also as „Ünnerhööftling“ betekend wurrd, hett de Verdrag domols ünnerschreben.[1] He stamm ut de Gegend vun de hüdig Bay View State Park an de Padilla Bay in’t Skagit County, ruch weg 10 km westlich vun Burlington.