Nina Kronjäger

Nina Kronjäger (* 26. Februar 1967 in Marburg an der Lahn) is en düütsche Schauspelersche.

Leven un Wark

Kronjäger hett vun 1986 bit 1990 Schauspeel an de Otto-Falckenberg-School in München studeert. Dor hett se ok ehrn lateren Partner Thomas Heinze drapen. In’n Ansluss an ehr Utbilln is se na Kiel wesselt un hett dor bit 1992 an’t Schauspeelhuus arbeit. Dorna is se in verschedene Stücken optreden, ünner annern an’t Schauspeelhuus Zürich un in’t Theater am Turm in Frankfort an’n Main. 1985 harr se ehr eerste Filmrull in den Film AIDS – Die schleichende Gefahr.

Kronjäger is teihn Johr lang mit Thomas Heinze tohopen wesen un is de Mudder vun Tweeschen.

Filmografie (Utwahl)

Johr	Titel
1993	Abgeschminkt!
1995	Die einzige Zeugin, Feernsehn
1997	Ein Schloß für Rita, Feernsehn
2001	Zsa Zsa
2001	Albtraum einer Ehe, Feernsehn
2002	Ein ganzer Kerl für Mama, Feernsehn
2005	Schlafsack für zwei, Feernsehn
2006	Ein Toter führt Regie, Feernsehn
2007	Die Aufschneider
2007	Wir sagen Du! Schatz.
2008	Dicke Liebe, Feernsehn
2010	Inspektor Barbarotti – Mensch ohne Hund, Feernsehn
2011	Tod am Engelstein, Feernsehn
2011	Das traurige Leben der Gloria S.
2012	Mann kann, Frau erst recht, Feernsehn
2013	Ostwind – Zusammen sind wir frei
2014	Winnetous Weiber, Feernsehn
2015	Schwägereltern, Feernsehn
2016	Orientierungslosigkeit ist kein Verbrechen
2016	Verrückt nach Fixi
2014-18	Kommissarin Heller, Feernsehreeg

Utteken

Nina Kronjäger hett noch keen bekannte Priesen wunnen, weer aver tweemol nomineert: eenmol 1994 för den Düütschen Filmpries för ehr rull in Abgeschminkt!, dat annere mol 2005 för den Düütschen Feernsehpries för de Beste Sitcom as Ensemble-Liddmaat vun Typisch Mann!

Weblenken

Nina Kronjäger in de Internet Movie Database (engelsch)
Nina Kronjäger op film-zeit.de, afropen an’n 16. November 2012