Nicholas Aylward Vigors

Vun Wikipedia
Zur Navigation springen Zur Suche springen

Nicholas Aylward Vigors (* 12. Dezember 1785 in Old Leighlin, Königriek Irland; † 26. Oktober 1840 in London) is en ierschen Zoologen, Ornithologen un Politiker ween.

Leven[ännern | Bornkood ännern]

Tukan, maalt vun Vigors, 1831

He studeer an dat Trinity College in Oxford. In de Tied vun Napoleon siene Kriege up de Ibeersche Halfinsel (Peninsula war) hett he vun 1809 bit 1811 an de Ieren ehre Sieten gegen Napoleon siene Truppen streden. Nadem he an'n 5. März 1811 bi Barrosa verwunnt wurrn weer, is he in datsülvige Johr torüchkehrt na Oxford un hett dor 1817 siene Promotschoon afslaten.

Tohopen mit Sir Thomas Stamford Raffles, George Eden, 1. Earl of Auckland (1784–1849), Sir Humphry Davy un Joseph Sabine (1770–1837) hett he 1826 de Zoological Society of London (ZSL) grünnt un is bit 1833 de ehr eersten Sekretär ween. In datsülvige Johr 1826 is he in de Royal Society in London upnahmen wurrn un later in de Linnean Society of London. 1834 is he upnahmen wurrn as Liddmaat vun de Königlich-Preußische Akademie der Wissenschaften. He hett alltohopen mehr as 40 Böker schreven - de meisten hefft sik mit de Vagelkunne befaat. 1828 hett he Huus un Hoff vun sien Vadder in Ierland overnahmen, nadem de sturben weer. Vun 1832 af an bit to sien egen Dood in dat Johr 1840 is he to'n Afordenten vun en Reeg vun Wahlkreise in dat County Carlow (Contae Cheatharlach) wählt wurrn un hett de in dat brittsche Unnerhuus vertreden.

Warke[ännern | Bornkood ännern]

  • An inquiry into the nature and extent of poetic licence. Mackinlay & Bensley, London 1810.
  • A statement of persecutions on the part of certain Tory landlords in the County of Carlow. Ridgways, London 1836.

Literatur[ännern | Bornkood ännern]

  • John Doyle (1797–1868): A design – partly taken from the antique of the destruction of the Niobe family. McLean, London 1841.

Weblenken[ännern | Bornkood ännern]