Nevermind

Vun Wikipedia
Zur Navigation springen Zur Suche springen
Logo vun Nevermind.

Nevermind is dat tweete un bekannste Album vun de ut Seattle Grupp Nirvana, dat op 24. September 1991 rutgeven worr un dat den Dörchbrook vun de Grupp bedüüd. Dat bekannste Leed op düt Album weer Smells Like Teen Spirit, dat foorts en Welthit worrn is. Ok worrn In Bloom, Come As You Are un Lithium Hits. Dat weer dat tweete Album vun de Grupp na Bleach in 1989.

Infloot[ännern | Bornkood ännern]

Vörher weer Nirvana een vun de velen lütten Gruppen, de do in un rund üm Seattle wussen. Achtern weren se kommerziell Överflegers. Nich alleen düt, se verännern ok dat ganze Musiklandschop. Na de 80-Johren, de domineert worrn dörch Hairmetal un Elektropop, worr dank Nirvana de Musik mehr op Rock orienteert. Tohoop mit anner Grunge-Gruppen ut Seattle as Pearl Jam un Alice In Chains verännern se dat Gesicht vun de kommerzielle Musik in'n Allgemenen. Se brochen den Underground op na baven.

Dat Album mutt ok sien Spood an de propere Produkschoon danken - dorüm gegen de Grunge-Wenntheiten - de dat Album un vör allen dat Leed Smells Like Teen Spirit goodlich maak, üm op den Musiksenner MTV speelt warrn to könen.

Cover[ännern | Bornkood ännern]

Dat Baby, dat op den Cover to sehn steiht, heet Spencer Elden. He worr tofallig utwählt. As Belohnen versproken Kurt Cobain un Courtney Love later eens mit em na en Restaurant to gahn (wat nie geböhr wieldat Kurt Cobain Sülvstmoord begüng). Op den Cover is he 4 Maanden oolt. De Angelhaak mit en Dollar-Note doran worr later digital toföögt. Dat Bild symboliseert den Ünnergang vun de Unschuld al bi de Kinner.

De Öllern vun Elden kregen $ 200 för de Foto. In 2007 geev Elden to, sik beschäämt to föhlen vunwegen de Foto. Na wat he sä föhlt he sik as den allergröttsten Pornostar in de Welt, wieldat de CD överall in de ganze Welt verköfft warrt.

Geheem Leed[ännern | Bornkood ännern]

De eersten föfftigdusend Exemplar vun düt Album stoppen na dat Leed Something In The Way. All anner beinhoolt na dat Leed en Stillde vun teihn Minuten folgt dörch en verbargt Leed: Endless, Nameless, en Oort Jamsesschoon, de vun en Opnahm vun Lithium missleep.

Track listing[ännern | Bornkood ännern]

  1. "Smells Like Teen Spirit" (Cobain/Nirvana) - 5:02
  2. "In Bloom" (Cobain/Nirvana) - 4:15
  3. "Come as You Are" (Cobain/Nirvana) - 3:39
  4. "Breed" (Cobain/Nirvana) - 3:04
  5. "Lithium" (Cobain/Nirvana) - 4:17
  6. "Polly" (Cobain/Nirvana) - 2:56
  7. "Territorial Pissings" (Cobain/Nirvana) - 2:23
  8. "Drain You" (Cobain/Nirvana) - 3:44
  9. "Lounge Act" (Cobain/Nirvana) - 2:37
  10. "Stay Away" (Cobain/Nirvana) - 3:33
  11. "On a Plain" (Cobain/Nirvana) - 3:17
  12. "Something In The Way" (Cobain/Nirvana) - 3:51
  13. "Endless, Nameless" (Verbargt Leed) (Cobain/Nirvana)