Nevengrupp

Vun Wikipedia
Wesseln na: Navigatschoon, Söök

De Nevengruppen sünd en Deel von dat Periodensystem, dat in de Chemie brukt warrt. As Gruppen warrt dorbi de Reegen von baven na ünnen betekend. Ganz links un ganz rechts sünd de Hööftgruppen to finnen un dortwüschen sünd de Nevengruppen, von de dat 10 geven deit. Man de Begrepp is en beten ut de Mood kommen un warrt – nich toletzt op Anraden von de IUPAC – hüüt nich mehr so recht brukt.

Fröher is dat so Ünnerdeelt woorn, as de cheemsch Elementen ut de Nevengruppen sik düdlich lieker verhollen doot, as de Elementen ut de Hööftgruppen. Dat kummt von den Opbo von de Elektronenhüll. Bi de Nevengruppen sünd neemlich de butensten Elektronen jümmers liek. Dat sünd de so nöömten Valenzelektronen. Wat sik ännert sünd de d-Orbitalen in de Schaalen dorünner, de na buten nich so'n groot Inwarken hebbt. Man snackt dorüm ok von de d-Block-Elementen, oder ok Övergangselementen, wat ok en cheemsch Serie is.

Fröher harrn de Nevengruppen eegen Nummern, hüüt sünd se na de Richtlinien von de IUPAC tohopen mit de Hööftgruppen dörtellt.

IUPAC-Grupp Nevengrupp Beteken
3 III Scandium-Grupp
4 IV Titan-Grupp
5 V Vanadium-Grupp
6 VI Chrom-Grupp
7 VII Mangan-Grupp
8 VIII Iesen-Grupp
9 IX Kobalt-Grupp
10 X Nickel-Grupp
11 I Kopper-Grupp
12 II Zink-Grupp

kiek ok bi[ännern | Bornkood ännern]