Nedderdüütsche Böhn Rene
De Nedderdüütsche Böhn Rene is ene Theaterböhn in Rene, de op Plattdüütsch speelt, in Mönsterlänner Platt.
Los güng dat 1885. De Kathoolsche Arbeiderbewegung hett dat Theaterspelen in Gang bröcht. 1895 kreeg de Grupp ok ehre eerste richtige Böhn. Toeerst weer de Preester jümmer de Baas in de Theatergrupp, aver na’n Eersten Weltkrieg weren se denn all Mann Laien. 1935 hebbt de Natschonalsozialisten Sluss maakt mit de Kathoolsche Arbeiderbewegung un ok mit dat Theater weer dat eerstmal vörbi. Aver glieks 1945 güng dat wedder los. Twischen 1945 un 2002 hebbt se alltohoop 78 Stücken opföhrt un dorbi 130.000 Tokiekers hatt.
Weblenken
[ännern | Bornkood ännern]- Websteed vun de Nedderdüütsche Böhn Rene (hoochdüütsch)