Natalja Jewgenjewna Mischkutjonok

Vun Wikipedia
Zur Navigation springen Zur Suche springen

Natalja Jewgenjewna Mischkutjonok (russisch: Наталья Евгеньевна Мишкутёнок; * 14. Juli 1970 in Minsk) is en ehmalge russisch Ieskunstlöperin, de in’n Paarloop antreeden is.

De 1,59 m groot Sportlerin hett in Sankt Petersburg ünner Trainerin Tamara Moskwina traineert. Van 1987 bit 1994 weer hör Ieslooppartner Artur Dmitrijew.

1988 sünd se eerstmals bi Europameesterschapen antreeden un keemen up den 4. Platz. Een Johr later wunnen se de Bronzemedaille bi de Europameesterschapen in Birmingham. Den Platz hemm se 1990 in Leningrad noch mal reckt. Ebenfalls in 1990 sünd se eerstmals bi de Ieskunstloop-Weltmeesterschapen 1990 in Halifax antreeden un wunnen ok dor de Bronzemedaille. Nah den Rückträe van hör Landslüüd Jekaterina Gordejewa un Sergei Grinkow wurrn de beid 1991 sowohl Europameester as ok Weltmeester. 1992 hemm se dat noch mal schafft un wurrn todem ok noch Goldmedaillenwinner bi de Olympisch Spelen in Albertville.

Nah hör Olympiasieg sünd Mischkutjonok un Dmitrijew to de Profis wesselt. Se leeten sück aber för de Olympisch Winterspelen 1994 reamateuriseeren un wunnen dor achter de ok reamateuriseerten Gordejewa un Grinkow de Sülvermedaille. Tovör weern se russisch Viezmeester wurrn un harrn bi de Europameesterschap van dat Johr de Bronzemedaille wunnen.

Dat Paar hett en nee, hüüd faken kopeert, Paarlooppirouette as Eerst up dat Ies brocht. Nah de Olympisch Winterspielen 1994 hett sück dat Paar trennt.

Natalja Mischkutjonok truck in de in die USA un hett dor den Ieshockeyspeler Craig Shepherd heiraadt. Mit hüm is se in de 1990er Johren gelegentlich bi Showveranstaltungen uptreeden. Se hemm sück aber scheeden laaten un Mischkutjonuk hett Alan Hainline heiraadt. An’n 16. Januar 2006 keem hör gemeensam Dochter Natascha Alena to Welt. Mischkutjonuk arbeit as Trainerin in Hurst, Texas.

Weblinks[ännern | Bornkood ännern]