Narges Mohammadi
.jpg)
Narges Safie Mohammadi (* 21. April 1972 in Zandschan, Iran) is en iraansch Minschenrechtsaktivistin un Liddmaat vun dat iraansch Zentrum för de Verteidigung vun de Minschenrechte Defenders of Human Rights Center (DHRC). Se wurr mehrfak verhaft un to mehrjohrig Haftstrafen veroordeelt. In‘n Oktober 2023 wurr Narges Mohammadi de Feiedensnobelpries tospraken, wiels se in Haft weer.
Leven[ännern | Bornkood ännern]
Narges Mohammadi wurr in de nordiraansch Stadt Zandschan boren un is in Qorveh (Provinz Kurdistan), Karadsch un Oschnaviyeh upwussen.[1] Se hett de Internatschonale Imam-Khomeini-Universität besöcht, kreeg en Afsluss in Physik un wurr Ingenieurin. Wiels hör Studium schreev se in de Studentenzeitung Artikel, in de se sück för de Fruenrechte insetten dee, un wurr bi twee Drapen vun de politische Studentengrupp Tashakkol Daaneshjuyi Roshangaraan („Upkloort Studentengrupp“) verhaft.[1][2] Se weer ok in en Bargstiegergrupp aktiv, wurr aber later wegen hör politisch Aktivitäten vun de Deelnahm an Klautertouren utslooten.[1]
Ansluutend hett se as Journalistin för mehrere reformorienteerte Zeitungen arbeit un hett en Book mit politischen Essays ünner den Titel „The Reforms, the Strategy and the Tactics“ herutbrocht.[2] 2003 shett se sück dat iraansch Zentrum för de Verteidigung vun de Minchenrechte, Defenders of Human Rights Center (DHRC), anslooten, dat vun de Freedensnobelpriesdrägerin Shirin Ebadi leit wurrd; later wurr se ok Viezpräsidentin vun de Organisatschoon.[1][3]
1999 hett se den ebenfalls reformorienteerten Journalisten Taghi Rahmani heiraadt, de kört dorup dat eerst Mal verhaft wurr. Rahmani truck 2012 nah Frankriek, nahdem he insgesamt 14 Johren Haft afseeten harr, aber Mohammadi bleev, um hör Minschenrechtsarbeit wieder to maaken. Mohammadi un Rahmani hemm Twillingskinner, Ali un Kiana.[1][3][2]
An‘n 6. Oktober 2023 wurr Mohammadi „für ihren Kampf gegen die Unterdrückung der Frauen im Iran und ihren Kampf für die Unterstützung der Menschenrechte und der Freiheit für alle“ de Freedensnobelpreis tospraaken. To de Tiet seet se in’t Gefängnis[4][5]
Verhaftungen[ännern | Bornkood ännern]
Mohammadi is mehrfack verhafft wurrn, dat eerste Mal 1998 wegen hör Kritik an de iraansch Regeeren. Dormals keem se för een Johr in’t Gefängnis.[2] 2011 wurr se to 11 Johren Haft veroordeelt, wat nahderhen up 6 Johr minneseert wurr. Ok dornah keem se immer weer mit de iraansch Regeeren in Konflikt un wurr wiederhen verhaft. In’n November 2023 fung se mit en Hungerstreik an.
Priesen un Utteknungen[ännern | Bornkood ännern]
- 2009: Alexander Langer Award, mit 10.000 Euro doteert.[2]
- 2010: Widmung vun de Nobelpriesdrägerin Shirin Ebadi bi de Verleehn vun den Felix-Ermacora-Menschenrechtspries an Mohammadi[6]
- 2011: Per-Anger-Pries, Utteknung vun de sweedsch Regeeren för Minschenrechte
- 2016: Minschenrechtspries vun de Stadt Weimar
- 2018: Andrei Sakharov Prize vun de American Physical Society
- 2022: Upnahm in de BBC-List vun de 100 inspireerend un inflootriek Fruen 2022[7]
- 2023: Olof-Palme-Pries vun de sweedsch Olof-Palme-Stiftung[8]
- 2023: Pries för Pressefreiheit vun de UNESCO Guillermo Cano World Press Freedom Prize gemeensam mit Elaheh Mohammadi un Niloofar Hamedi[9]
- 2023: Freedensnobelpries
Böker[ännern | Bornkood ännern]
- White Torture: inside Iran’s prisons for women. OneWorld Publications, 2022.
- deutsch: Frauen! Leben! Freiheit! Wie wir unsere Stimmen erheben. Frauen in iranischen Gefängnissen erzählen. Rowohlt, Hamburg 2023, ISBN 978-3-499-01413-0.
Weblinks[ännern | Bornkood ännern]
- Video von Front Line Defenders: Iranian WHRD, Narges Mohammadi on her 50th birthday, instellt an’n 20. April 2022
- Video von PEN America: Narges Mohammadi — PEN America’s Freedom to Write Index 2022, instellt an’n 28. April 2023
Enkeld Nahwiesen[ännern | Bornkood ännern]
- ↑ a b c d e Muhammad Sahimi (10. Mai 2012): Nationalist, Religious, and Resolute: Narges Mohammadi (en). PBS. Archiveert vun’n Original an’n 29. Juni 2012. Afropen an’n 31. Oktober 2012.
- ↑ a b c d e Narges Mohammadi, from Iran, recepient [sic] of the international Alexander Langer award 2009 (en). Alexander Langer Foundation (18. Juni 2009). Archiveert vun’n Original an’n 15. Juni 2012. Afropen an’n 31. Oktober 2012.
- ↑ a b Saeed Kamali Dehghan (26. April 2012): Iranian human rights activist Narges Mohammadi arrested (en). Archiveert vun’n Original an’n 15. Juni 2012. Afropen an’n 31. Oktober 2012.
- ↑ Pressemitteilung zur Verleihung des Nobelpreises. In: nobelprize.org (afropen an’n 6. Oktober 2023, engelsch).
- ↑ Badische Zeitung: Friedensnobelpreis für iranische Frauenrechtlerin Narges Mohammadi. 6. Oktober 2023, afropen an’n 6. Oktober 2023.
- ↑ Vörlaag:Cite news
- ↑ BBC 100 Women 2022: Who is on the list this year? (en) (6. Dezember 2022). Afropen an’n 7. Dezember 2022.
- ↑ 2023 – Marta Chumalo, Eren Keskin and Narges Mohammade | OLOF PALMES MINNESFOND. Afropen an’n 6. Juni 2023 (sv-SE).
- ↑ Vörlaag:Cite news