Nahorden

Nahorden is en Begreep ut de Fastkörperphysik, de en regelmatig Anorden von Deelken beschrifft, de man blots in de Nöög von en Betogsdeelken tostannen kummt. Dat bedröppt t. B. en Molekül in en Fletigkeit oder en Atom in en Faststoff. To’t Beschrieven vun de Orden warrt mehrstendeels Binnenlängden un -winkels to den nächsten Naver verwennt.

Den Idealfall vun en reine Nahorden hebbt wi in Fletigkeiten. Dor sünd de Afstännen twüschen de Molekülen oder Atomen fast, man de Winkels vun de Binnen sünd böös an swalken. To’n övernächsten Naver gifft dat so goot as keen Tosamenhang vun de Binnenwinkels mehr.

In de Natur kommt fast al Speeloorden bi de Materialen vör, vun reine Nahorden bit hen to reine Feernorden un alln’s dortwüschen. Bi de Faststoffen, as t. B. de Halfleider Silizium warrt de amorphe, de nanokristalline, mikrokristalline, polykristalline un monokristalline Tostand ünnerscheed. Bi disse Oorden gifft dat en Tonahm vun de Orden vun’n nächsten to’n övernächsten Naver to de Orden in’n Nanometer-, Mikrometer-, Millimeter oder Zentimeterrebeet. De monokristalline Tostand ist denn dör de Feernorden bestimmt.