Naams bi de Oromos

Bi de Naams bi de Oromos kummt jümmer an de eerste Steed de Vörnaam vun de Person. As tweten Naam warrt de Vörnaam vun’n Vadder annahmen. Faken warrt denn ok noch de Vörnaam vun’n Grootvadder as drüdden Naam dorachtersett. Binnen de Familie kriegt de Lüüd faken aver ok noch Leevsnaams, de blot in de Familie bruukt warrt.

Vörnaams

Traditschonell söcht de Vadder de Naams vun de Kinner ut. Bi de Deerns hett de Mudder en beten mehr mit to seggen. De Naams hebbt faken en Bedüden, de Wünsch vun Spood, Wiesheit oder Naturkräft för de Kinners mit op’n Weg geven schöölt. Opmehrst vergeven warrt de Naams Ibsaa för Jungs un Ibsituu för Deerns, wat allens beids Licht bedüden deit.

Oromos in’n Westen

In’n Westen is dat begäng, dat een en fasten Familiennaam hett. So hett to’n Bispeel Yared Dibaba eerst mit dat Inbörgern in Düütschland sien Familiennaam Dibaba kregen. He hett egentlich Yared Terfa heten. Dat Terfa keem vun sien Vadder sien Vörnaam, de Vadder hett Terfa Dibaba heten. Mit dat Inbörgern müss Yared den tweten Naam vun sien Vadder tosätzlich annehmen. Offiziell in’n Pass steiht nu Yared Terfa Dibaba in un Dibaba gellt as Familiennaam.