Myron Samuel Scholes

Vun Wikipedia
Myron S. Scholes, 2009

Myron Samuel Scholes (* 1. Juli 1941 in Timmins, Ontario) is en kanaadsch Wertschapswetenschapler. 1997 wurr hüm de Nobelpries för Wertschapswetenschapen tospraaken.

Leven un Wark[ännern | Bornkood ännern]

Scholes hett tonächst Wertschapswetenschapen an de McMaster University in Hamilton studeert, wo he 1962 den akademischen Grad vun en Bachelor recken dee. An de University of Chicago hett he 1964 mit den Master of Business Administration afslooten un kreeg fiev Johr later mit en Dissertatschoon ünner Merton Howard Miller sien Doktertitel. Aktuell is he Perfesser in Stanford, he weer aber ok an de Princeton University un de MIT Sloan School of Management tätig.

Gemeensam mit Fischer Sheffey Black un Robert Cox Merton hett he dat Black-Scholes-Modell to dat Bewerten vun Finanzoptschonen entwickelt. Scholes wurr för dit Modell 1997 gemeensam mit Robert Merton mit den Nobelpries för Wertschapswetenschapen ehrt; Black weer all 1995 dood bleven un kunn dorum den Pries nich mehr tospraaken kriegen.

Scholes weer in dat Direktorium vun den Hedgefonds Long-Term Capital Management (LTCM), de in’n September 1998 wegen massiv Fehlspekulatschonen nah Verlusten vun 4,6 Milliarden US-Dollar tosommenbreeken dee, wat Oorsaak vun en Krise an den Finanzmärkten weer.

2005 wurr Scholes wegen Achtertrecken vun Stüern in en Hööcht vun 40 Millionen USD in’n Tosommenhang mit ungerechtfertigt Afschrieven bi LTCM veroordeelt.

Hüüd is Scholes in‘n Vörstand vun Platinum Grove Asset Management, en Hedgefonds, den he mit sien fröheren LTCM-Partner Chi-fu Huang grünnd hett. De Sellschopp hett bit Enn‘ August 2008 4,8 Milliarden USD verwalt un harr noch bit 2007 en dörsnittliche Johresrendite vun 9,4 % reckt. Alleen in de eerst Oktoberhälft 2008 hett de Fonds aber 29 Perzent vun sien Wert verloren.[1] 2010 wurr Scholes in de American Academy of Arts and Sciences wählt. Siet Juli 2014 is he Chief Investment Officer vun de Janus Capital Group.[2]

Scholes is ok in tallriek anner Direktorien vertreeden, as in de vun de Chicago Mercantile Exchange un de van de Dimensional Fund Advisors.

Privates[ännern | Bornkood ännern]

Myron Scholes ist verheiraadt un hett twee Döchter.

Weblinks[ännern | Bornkood ännern]

Myron Scholes. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. ftd.de: afropen an’n 13. Februar 2020
  2. Nobelpreisträger Myron Scholes geht zur Anlagegesellschaft Janus Capital, in: Handelsblatt, Nr. 133 van‘ 15. Juli 2014, S. 46.