Multimodal Verkehr
Unner Multimodalen Verkehr warrt allgemeen de Transport vun en Goot mit twee oder noch mehr unnerscheedliche Verkehrsdregers (Scheenen, Straaten, Frachtschipp, Fleeger, Pipeline) verstahn.
En sunnerliche Form vun den multimodalen Verkehr is de Intermodale Verkehr, wo de Göder in Standard-Transporteenheiten, as Containers, Saddelanhängers beweegt weert. Dor geiht dat denn dor bi um, datt se bi dat Verladen twuschen verschedene Verkehrsdregers in ehre Transport-Eenheit blievt. Kombineerten Verkehr (KV) oder ok Kombineerten Lastverkehr heet de intermodale Verkehr, wenn de gröttste Deel vun de Fracht ehrn Weg up Schenen oder mit See- un Binnenschipp maakt warrt un up'e Straten so wenig fohrt warrt, as dat man mööglich is. En multimodale Transportkeed, in de ehrn Loop Ware umslahn warrt, warrt ok broken Verkehr nömmt. Faken weert de Begreepe intermodalen, kombineerten un multimodalen Verkehr just so bruukt, as dat boven for multimodalen Verkehr angeven is.