Mudddüvel
| Mudddüvel | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Cryptobranchus alleganiensis | ||||||||||
| Daudin 1803 |
De Mudddüvel (Cryptobranchus alleganiensis) is en groten Salamander, de in suurstoffrieke Strööm in Noordamerika leevt, de gau fleten doot un steenige Grünn hebbt.
Levensruum
[ännern | Bornkood ännern]De Levensruum vun de Ünneroort gemeen Mudddüvel (C. a. alleganiensis) reckt vun den Süüdwesten un Süden vun New York, bet in'n Süden vun Illinois, den Noordoosten vun Mississippi un den Noorden vun Alabama un Georgia. Ok in’n Oosten vun Zentral-Missouri leevt welke vun disse Deerter. De Ünneroort Ozark-Mudddüvel (C. a. bishopi) leevt in’t Rebeet vun’t Ozark-Plateau in’n Süüdoosten vun Missouri un angrenzen Rebeet in Arkansas.
Physiologie
[ännern | Bornkood ännern]De bruun bet gries farvten Mudddüvels hebbt en platten Lief un Kopp mit lütte Ogen. Jüst as all Salamanders, hebbt se korte Been un en dünnen Körper. De Steert hett en Kiel, dat he sik beter dör’t Water bewegen kann. Se hebbt veer Tehn an de Vörbeen un fiev an de Achterbeen. Op de Huut hett he Bulen, de lieks as Wratten utseht. De Mudddüvel hett Lungen, de ok arbeiden doot, aver ok op jede Siet vun sien Nack een Keem. Se warrt 45 bet 75 Zentimeters groot un bringt 1,5 bet 2,5 Kilogramm op de Waag. Freten doot se Kreeften, Snicken un Wörm. De Hekens sünd territorial un kämpt üm de Nestplätz. In Fangenschop köönt se bet to 29 Johren oolt warrn.
Üm Rövers aftoschrecken, scheedt se en giftigen Sliem af. Aver wenn se grötter as 50 Zentimeter sünd, denn hebbt de Mudddüvels kene Feenden mehr, denn sünd se för de Rooffisch to groot.
Vermehren
[ännern | Bornkood ännern]De Sekens leegt twischen 200 un 500 Eier in’n laten August un September. De Eier warrt in en Nest afleggt, dat vun dat Heken ünner en groten Felsbrocken boot worrn is. Dat Heken passt op dat Nest op, bet de Jungen na twee bet dree Maanden utslippt.